ന്യൂഡെൽഹി: സാങ്കേതിക തകരാർ മൂലമാണ് രാജ്യവ്യാപകമായി ഇന്റർനെറ്റ് സേവനം തടസപ്പെട്ടതെന്ന് എയർടെൽ. ഫെബ്രുവരി 11 വെള്ളിയാഴ്‌ച ഉച്ചയോടടുത്താണ് എയര്‍ടെല്‍ ഇന്റർനെറ്റ് സേവനങ്ങള്‍ക്ക് തടസം നേരിട്ടത്. രാജ്യവ്യാപകമായി പ്രശ്‌നം ഉണ്ടായിരുന്നു എന്നാണ് റിപ്പോര്‍ട്ടുകള്‍ പറയുന്നത്.
വിവിധ സര്‍വീസുകളിലെ സാങ്കേതിക പ്രശ്‌നം റിപ്പോർട് ചെയ്യുന്ന സൈറ്റായ ഡൗണ്‍ ഡിക്റ്റക്‌ടർ ഡാറ്റ പ്രകാരം, രാവിലെ 11.03 മുതല്‍ പ്രശ്‌നം കണ്ടുതുടങ്ങിയിട്ടുണ്ട്. ഏതാണ്ട് 1.30 വരെ പ്രശ്‌നങ്ങൾ നിലനിന്നു എന്നാണ് ഡാറ്റ സൂചിപ്പിക്കുന്നത്.
എന്നാൽ ഇപ്പോള്‍ എല്ലാം സാധാരണഗതിയില്‍ ആയിട്ടുണ്ടെന്ന് എയര്‍ടെല്‍ പ്രതികരിച്ചു. എന്ത് തരത്തിലുള്ള സാങ്കേതിക പ്രശ്‌നമാണ് നേരിട്ടത് എന്ന് എയര്‍ടെല്‍ വിശദീകരിക്കുന്നില്ല.
Our internet services had a brief disruption and we deeply regret the inconvenience this may have caused you. Everything is back as normal now, as our teams keep working to deliver a seamless experience to our customers.
— airtel India (@airtelindia) February 11, 2022
Most Read: സൈനികർ യുക്രെയ്‌ൻ അതിർത്തിയിൽ; അധിനിവേശ ഭീഷണി ശക്‌തമാക്കി റഷ്യ
