ന്യൂയോര്ക്ക്: ലോകത്തിലെ ഏറ്റവും വലിയ വൈദ്യുത കാര് നിര്മ്മാതാക്കളായ ടെസ്ലയുടെ ഇന്ത്യയിലേക്കുള്ള വരവ് അടുത്ത വര്ഷമായിരിക്കും എന്ന സൂചനകള് നല്കി സിഇഒ ഇലോണ് മസ്ക്. ‘ഇന്ത്യക്ക് നിങ്ങളെ ആവശ്യമുണ്ട്’ എന്ന് രേഖപ്പെടുത്തിയ ടീ-ഷര്ട്ടിന്റെ ചിത്രം പങ്കുവെച്ച ട്വീറ്റിനുള്ള മറുപടിയാണ് അടുത്ത വര്ഷം വരുമെന്നുള്ള സൂചനകള് അദ്ദേഹം നല്കിയത്. നിങ്ങളുടെ കാത്തിരിപ്പിന് നന്ദിയെന്നും അദ്ദേഹം മറുപടി നല്കി.
Next year for sure
— Elon Musk (@elonmusk) October 2, 2020
അടുത്ത വര്ഷത്തോടെ രാജ്യത്തെ വൈദ്യുത വാഹന വിപണി കൂടുതല് വിപുലീകരിക്കാനുള്ള നരേന്ദ്ര മോദി സര്ക്കാരിന്റെ പദ്ധതികള് മുന്നില് കണ്ടാണ് ടെസ്ലയുടെ നടപടിയെന്ന് നേരത്തെ റിപ്പോര്ട്ടുകള് ഉണ്ടായിരുന്നു. കഴിഞ്ഞ വര്ഷം മുതല് താരതമ്യേന മന്ദഗതിയിലായ വാഹന വിപണിയുടെ വളര്ച്ച അടച്ചിടല് വന്നതോടെ കൂടുതല് താഴോട്ട് പോയിരുന്നു. പ്രമുഖ വാഹന നിര്മ്മാതാക്കള് സര്ക്കാരിന്റെ ഭാഗത്തു നിന്നുള്ള ഇളവുകള് കാത്തിരിക്കുകയാണ്.