14/11 സിനിമാസ്, ബിഗ് സ്റ്റോറീസ് മോഷൻ പിക്ചേഴ്സ് എന്നിവയുടെ ബാനറിൽ റോഷിത്ത് ലാൽ, ജോൺ പോൾ എന്നിവർ ചേർന്ന് നിർമിക്കുന്ന ചിത്രമാണ് ‘ത തവളയുടെ ത’. കപ്പേളയുടെ സഹ സംവിധായകനായി വർക്ക് ചെയ്ത ജോസഫ് ജീര സ്വതന്ത്ര സംവിധായകനായി ഒരുക്കുന്ന ആദ്യ ചിത്രവുമാണ് ‘ത തവളയുടെ ത’.
കുട്ടികളെയും മുതിർന്നവരെയും ഒരുപോലെ ആകർഷിക്കുന്ന രീതിയിലാണ് ഈ ഫാന്റസി കുടുബചിത്രം ഒരുക്കിയിട്ടുള്ളത്. കുട്ടികളുടെ കുട്ടിക്കഥയായി വളരെ വ്യത്യസ്തമായി ഒരുക്കുന്ന ചിത്രം തീർത്തുമൊരു ഫാന്റസി മൂഡിലുള്ള ചിത്രമാണ്. എന്നാൽ, കുടുംബങ്ങൾ കണ്ടിരിക്കേണ്ട മികച്ച ചിത്രങ്ങളിൽ ഒന്നുമായിരിക്കും ‘ത തവളയുടെ ത’.
ചിത്രത്തിൽ അറുപതോളം ബാലതാരങ്ങളാണ് വേഷമിടുന്നത്. ബാലതാരങ്ങൾക്ക് പുറമേ സെന്തിൽ കൃഷ്ണ, അനുമോൾ, നെഹല, ആനന്ദ് റോഷൻ, ഗൗതമി നായർ, അജിത് കോശി, സുനിൽ സുഗത, അനീഷ് ഗോപാൽ, നന്ദൻ ഉണ്ണി, ജെൻസൺ ആലപ്പാട്ട്, ഹരികൃഷ്ണൻ, സ്മിത അംബു, വസുദേവ് പട്രോട്ടം തുടങ്ങിയവരും അഭിനയിക്കുന്നുണ്ട് ചിത്രത്തിൽ.
ഛായാഗ്രഹണം : ബിപിൻ ബാലകൃഷ്ണൻ, മ്യൂസിക് ഡയറക്ടർ : നിഖിൽ രാജൻ മേലേയിൽ, ലിറിക്സ് : ബീയാർ പ്രസാദ്, ആർട്ട് ഡയറക്ടർ : അനീസ് നാടോടി, സൗണ്ട് ഡിസൈൻ : സവിത നമ്പ്രത്ത് എന്നിവരാണ്.
വസ്ത്രാലങ്കാരം : നിസാർ റഹ്മത്ത്, മേക്കപ്പ് : അമൽ ചന്ദ്രൻ, പ്രൊഡക്ഷൻ കൺട്രോളർ : ജാവേദ് ചെമ്പ്, സ്റ്റിൽ ഫോട്ടോഗ്രഫി: ഇബ്സൺ മാത്യൂ, അസോസിയേറ്റ് ഡയറക്ടർ : ഗ്രാഷ്, എബ്രു സൈമൺ, കളറിസ്റ്റ് : ലിജു പ്രഭാകർ, വി എഫ് എക്സ് : കോക്കനട്ട് ബഞ്ച് ക്രിയേഷൻസ്, ഡിസൈൻസ് : സനൽ പികെ, പിആർഒ : പി ശിവപ്രസാദ് എന്നിവരാണ് മറ്റ് അണിയറ പ്രവർത്തകർ.
Most Read: ഗൗരി ലക്ഷ്മിക്ക് വേണ്ടി ബസുടമകളും ജീവനക്കാരും സമാഹരിച്ചത് 7,84,030 രൂപ