ധനുഷ് നായകനാകുന്ന പുതിയ ചിത്രത്തിന്റെ ഫസ്റ്റ് ലുക് പോസ്റ്റർ ജൂലൈ 28ന് എത്തും. ധനുഷിന്റെ പിറന്നാൾ ദിനത്തോട് അനുബന്ധിച്ചാണ് ഡി 43 ഫസ്റ്റ് ലുക് റിലീസ്. ചിത്രത്തിന്റെ നിർമാതാക്കളായ സത്യ ജ്യോതി ഫിലിംസാണ് ചിത്രത്തിന്റെ പുതിയ വിശേഷം സമൂഹ മാദ്ധ്യമങ്ങളിലൂടെ പങ്കുവെച്ചത്.
കാര്ത്തിക് നരേനും ധനുഷും ആദ്യമായി ഒന്നിക്കുന്ന ഈ ചിത്രം ധനുഷിന്റെ 43ആമത് സിനിമയാണ്. മലയാളിയായ മാളവിക മേനോനാണ് ചിത്രത്തിൽ നായികയായി എത്തുന്നത്. ധനുഷും മാളവികയും മാദ്ധ്യമ പ്രവർത്തകരായാണ് വേഷമിടുന്നത്.
ജിവി പ്രകാശ് ഈണം പകരുന്ന ചിത്രത്തിൽ സമൃുതി വെങ്കിട്ട്, സമുദ്രക്കനി എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
അതേസമയം നിരവധി ചിത്രങ്ങളാണ് ധനുഷിന്റേതായി അണിയറയിൽ ഒരുങ്ങുന്നത്. ഹോളിവുഡ് ചിത്രം ‘ദി ഗ്രേ മാൻ’, സെൽവരാഘവൻ ചിത്രം ‘നാനെ വരുവേൻ’, ‘ആയിരത്തിൽ ഒരുവൻ 2‘ തുടങ്ങിയ ചിത്രങ്ങളിൽ ധനുഷ് കേന്ദ്ര കഥാപാത്രമാണ്. കൂടാതെ താരം അഭിനയിച്ച ബോളിവുഡ് ചിത്രം ‘അദ്രങ്കി രേ’യും റിലീസിനായി കാത്തിരിക്കുകയാണ്.
Read Also: ക്ഷേത്ര സന്ദർശനത്തിന് മുഖ്യമന്ത്രി എത്തി; തിക്കും തിരക്കും; മധ്യപ്രദേശിൽ നിരവധി പേർക്ക് പരിക്ക്