കോഴിക്കോട്: മുക്കം ആനക്കാംപൊയിലില്‍ മുത്തപ്പന്‍പുഴയിലെ കിണറ്റില്‍ നിന്ന് രക്ഷപെടുത്തിയ കാട്ടാന ചരിഞ്ഞു. കഴിഞ്ഞ ദിവസം മുത്തപ്പന്‍ പുഴക്ക് സമീപം തേന്‍പാറ മലമുകളിലെ ആള്‍ താമസം ഇല്ലാത്ത കൃഷിസ്‌ഥലത്തെ കിണറ്റിനുള്ളില്‍ വീണ ആനയെ മുന്നു ദിവസത്തിനു ശേഷമാണ് വനംവകുപ്പ് രക്ഷപ്പെടുത്തിയത്. ശേഷം ആന വനത്തിലേക്ക് പോയിട്ടില്ലെങ്കില്‍ കടത്തി വിടാന്‍ എത്തിയ വനംവകുപ്പ് ജീവനക്കാര്‍ കിണറിന് സമീപം തന്നെ അവശനിലയില്‍ ആനയെ കണ്ടെത്തുകയായിരുന്നു.
തുടര്‍ന്ന് ഡോക്‌ടര്‍ അരുണ്‍ സക്കറിയയുടെ നേതൃത്വത്തിലുള്ള ഡോക്‌ടര്‍മാര്‍ പരിശോധന നടത്തി ആന്തരികാവയവങ്ങള്‍ക്ക് കുഴപ്പമില്ലെന്നും നിര്‍ജലീകരണം മൂലമാണ് ആന തളര്‍ന്നുവീണതെന്നും വ്യക്‌തമാക്കിയിരുന്നു. കൂടാതെ കാലുകള്‍ക്ക് ഏറ്റ പരിക്കും ആനയുടെ ആരോഗ്യനില വഷളാക്കി. ശേഷം ഇന്ന് രാവിലെ എട്ടുമണിയോടെ പരിശോധനക്ക് എത്തിയ വനപാലകര്‍ ആനയെ ചരിഞ്ഞ നിലയില്‍ കണ്ടെത്തുകയായിരുന്നു.
Read also: കരിങ്കൽ ഖനനം; കളക്‌ടർക്ക് മുൻപിൽ പ്രതിഷേധിച്ച് നാട്ടുകാർ
