ന്യൂഡെൽഹി: കോൺഗ്രസ് ജനറൽ സെക്രട്ടറിമാരുടേയും പിസിസി അധ്യക്ഷൻമാരുടേയും യോഗം ഇന്ന് നടക്കും. രാവിലെ 10.30ന് ഡെൽഹിയിലെ എഐസിസി ആസ്ഥാനത്താണ് യോഗം നടക്കുക. അടുത്ത വർഷം പൂർത്തിയാക്കുന്ന സംഘടന തിരഞ്ഞെടുപ്പിന്റെ ആദ്യപടിയായ മെമ്പർഷിപ്പ് ക്യാംപയിൻ സംബന്ധിച്ച് യോഗം ചർച്ച ചെയ്യും.
നവംബറിൽ ക്യാംപയിൻ ആരംഭിക്കാൻ കഴിഞ്ഞ തവണ ചേർന്ന പ്രവർത്തക സമിതി യോഗം തീരുമാനിച്ചിരുന്നു. വിവിധ സംസ്ഥാനങ്ങളിൽ വരാനിരിക്കുന്ന നിയമസഭാ തിരഞ്ഞെടുപ്പുകളുടെ മുന്നൊരുക്കങ്ങളും യോഗം ചർച്ച ചെയ്യും.
പഞ്ചാബിൽ ആറ് മാസത്തിനകം തിരഞ്ഞെടുപ്പ് നടക്കാനിരിക്കുകയാണ്. ഇവിടെ സംഘടനാ തലത്തിലെ ഭിന്നതകൾ രൂക്ഷമാണ്. അതേസമയം, അടുത്ത വർഷം തിരഞ്ഞെടുപ്പ് നടക്കുന്ന ഉത്തർപ്രദേശിൽ പ്രിയങ്ക ഗാന്ധി ഉൾപ്പെടെ സജീവമായി കഴിഞ്ഞു. പാർട്ടി നേതാക്കൾക്കുള്ള പരിശീലന പരിപാടികൾ സംബന്ധിച്ചും യോഗത്തിൽ ചർച്ച നടക്കും.
Read Also: തിരുവനന്തപുരം കോര്പ്പറേഷനിലെ നികുതി തട്ടിപ്പ്; മുഖ്യപ്രതി അറസ്റ്റില്