ആരാധകര് ഏറെ പ്രതീക്ഷയോടെ കാത്തിരിക്കുന്ന മമ്മൂട്ടി- മഞ്ജു വാര്യര് ചിത്രം ‘ദി പ്രീസ്റ്റി’ന്റെ ടീസര് പുറത്ത്. മമ്മൂട്ടിയും മഞ്ജു വാര്യരും ആദ്യമായി ഒന്നിക്കുന്ന ചിത്രം നവാഗതനായ ജോഫിന് ടി ചാക്കോയാണ് കഥയെഴുതി സംവിധാനം ചെയ്തിരിക്കുന്നത്.
നിഖില വിമലും പ്രധാന കഥാപാത്രത്തെ അവതരിപ്പിക്കുന്ന ചിത്രത്തില് വന് താര നിരയാണ് ഉള്ളത്. ആന്റോ ജോസഫും ബി ഉണ്ണികൃഷ്ണനും വിഎന് ബാബുവും ചേര്ന്നാണ് ചിത്രത്തിന്റെ നിര്മാണം. ജോഫിന്റെ കഥക്ക് ദീപു പ്രദീപും ശ്യാം മേനോനുമാണ് തിരക്കഥ ഒരുക്കുന്നത്. എഡിറ്റിംഗ് ഷമീര് മുഹമ്മദ്. ബികെ ഹരിനാരായണന്റെ വരികള്ക്ക് രാഹുല് രാജ് സംഗീതം പകരുന്നു.
ചിത്രത്തിന്റെ പോസ്റ്റര് നേരത്തെ പുറത്തുവന്നിരുന്നു. മമ്മൂട്ടി തന്നെയാണ് പോസ്റ്റര് പങ്കുവെച്ചത്. കോവിഡ് അടച്ചു പൂട്ടലുകള്ക്ക് ശേഷം തിയേറ്ററുകള് തുറന്നതോടെ മലയാള സിനിമ വീണ്ടും സജീവമാകുകയാണ്. ജയസൂര്യ കേന്ദ്ര കഥാപാത്രമാകുന്ന ‘വെള്ളം’ ആണ് ആദ്യം തിയേറ്ററില് എത്തുന്ന മലയാള സിനിമ.
Read Also: വാട്സാപ് സ്വകാര്യതാ നയമാറ്റം; പരിശോധിക്കാൻ പാർലമെന്ററി സമിതി