പാലക്കാട് : ജില്ലയിൽ പോത്തുണ്ടി ഡാമിൽ ജലനിരപ്പ് ഉയർന്നു. 95.57 മീറ്ററാണ് നിലവിൽ ഡാമിലെ ജലനിരപ്പ്. കനത്ത മഴയും, നെല്ലിയാമ്പതി മലനിരകളിൽ നിന്നുള്ള നീരൊഴുക്ക് വർധിച്ചതുമാണ് ഇപ്പോൾ ഡാമിലെ ജലനിരപ്പ് ഉയരാൻ കാരണമായത്. എന്നാൽ കഴിഞ്ഞ വർഷം ഇതേ സമയത്ത് 93.66 മീറ്ററായിരുന്നു ഡാമിലെ ജലനിരപ്പ്.
പോത്തുണ്ടി ഡാമിൽ നിന്നാണ് ജില്ലയിലെ 7 പഞ്ചായത്തുകളിലേക്ക് രണ്ടാം വിളയ്‌ക്ക് ആവശ്യമായ ജലം വിതരണം ചെയ്യുന്നത്. കൂടാതെ നെൻമാറ, അയിലൂർ, മേലാർക്കോട് എന്നീ പഞ്ചായത്തുകളിലെ കുടിവെള്ള സ്രോതസ് കൂടിയാണ് പോത്തുണ്ടി ഡാം. 108.204 മീറ്ററാണ് ഡാമിന്റെ പരമാവധി സംഭരണശേഷി.
Read also : സിബിഎസ്ഇ പന്ത്രണ്ടാം ക്ളാസ് മൂല്യനിർണയം; പരാതികൾ പ്രത്യേക സമിതി പരിഗണിക്കും
