ആറൻമുള: പുതുക്കുളങ്ങര പള്ളിയോടത്തിൽ കയറി ഫോട്ടോയെടുത്ത നവമാദ്ധ്യമ താരത്തെയും സഹായിയേയും തിരുവല്ല പൊലീസ് അറസ്റ്റ് ചെയ്തു. തൃശൂര് ചാലക്കുടി സ്വദേശി നിമിഷ ബിജോ, പത്തനംതിട്ട പുലിയൂര് സ്വദേശി ഉണ്ണി എന്നിവരാണ് അറസ്റ്റിലായത്. പള്ളിയോട സംഘത്തിന്റെ പരാതിയെ തുടർന്നാണ് അറസ്റ്റ്.
ഓതറ പുതുക്കുളങ്ങര പള്ളിയോടത്തില് ഷൂസിട്ട് കയറിയതിനും അനുമതിയില്ലാതെ ഫോട്ടോ എടുത്തതിനുമാണ് പള്ളിയോടം ഭരവാഹികള് പരാതി നല്കിയത്. ഓണത്തിന് മുൻപാണ് നിമിഷയുടെ ഫോട്ടോഷൂട്ട് നടന്നത്. പിന്നീട് ചിത്രം ഇന്സ്റ്റഗ്രാമില് പോസ്റ്റ് ചെയ്തതോടെയാണ് സംഭവം വിവാദമായത്.
വള്ളത്തിൽ കയറരുതെന്നോ അത് പള്ളിയോടമാണെന്നോ അറിവുണ്ടായിരുന്നില്ലെന്നും സ്ത്രീകൾ കയറാൻ പാടില്ലെന്നോ ചെരുപ്പിടാൻ പാടില്ലെന്നോ ഉള്ള ബോർഡും അവിടെ ഉണ്ടായിരുന്നില്ല എന്നും നിമിഷ പറഞ്ഞിരുന്നു. വിവാദമായതിനെ തുടര്ന്ന് പള്ളിയോടത്തില് നില്ക്കുന്ന ഫോട്ടോ ഇവര് നവ മാദ്ധ്യമങ്ങളില് നിന്ന് ഒഴിവാക്കിയിരുന്നു.
Read also: ജലീലിനെ ഞാൻ തള്ളിയിട്ടില്ല, അദ്ദേഹം സിപിഎമ്മിന്റെ നല്ല സഹയാത്രികൻ; മുഖ്യമന്ത്രി