പാലക്കാട് : ജില്ലയിൽ മോഷ്‌ടിച്ച ബൈക്കുമായി കടന്ന യുവാവിനെ പോലീസ് അറസ്‌റ്റ് ചെയ്‌തു. പഴയന്നൂർ കല്ലേപ്പാടം ചീരോത്ത് ജിഷ്‌ണുവിനെ(26) ആണ് ചെർപ്പുളശേരി പോലീസ് ഇന്നലെ പുലർച്ചെ അറസ്‌റ്റ് ചെയ്‌തത്. പാടൂർ പനങ്കാവ് സ്വദേശിയായ വിനോദിന്റെ ഭാര്യ രമ്യയുടെ വീട്ടിൽ നിന്നും മോഷ്‌ടിച്ച ബൈക്കുമായാണ് ഇയാൾ പിടിയിലായത്.
സംശയകരമായ സാഹചര്യത്തിൽ ബൈക്കുമായി റോന്തു ചുറ്റിയ ഇയാളെ പോലീസ് ചോദ്യം ചെയ്യുകയായിരുന്നു. തുടർന്നാണ് ബൈക്ക് മോഷണത്തെ കുറിച്ചുള്ള വിവരം ലഭിച്ചത്. പാടൂർ പനങ്കാവിലെ വീട്ടിൽ ഷെഡിൽ നിർത്തിയിരുന്ന സ്‌കൂട്ടർ പടിയുടെ പൂട്ടുപൊളിച്ചാണു കൊണ്ടുപോയത്. പ്രതിക്കൊപ്പം തന്നെ ബൈക്കും കസ്‌റ്റഡിയിൽ എടുത്തിട്ടുണ്ടെന്ന് പോലീസ് വ്യക്‌തമാക്കി.
Read also : ലോകത്ത് കോവിഡ് ബാധിതരുടെ എണ്ണം 12 കോടിയിലേക്ക്
