ഡെല്‍ഹി: ഇന്ദിരാഗാന്ധി രാജ്യാന്തര വിമാനത്താവളത്തിന് ഖാലിസ്‌ഥാന്‍ തീവ്രവാദ സംഘടനകളില്‍ നിന്ന് ഭീഷണി. ഡെല്‍ഹിയില്‍ നിന്ന് ലണ്ടനിലേക്കുള്ള രണ്ട് എയര്‍ ഇന്ത്യ വിമാനങ്ങള്‍ ആക്രമിക്കുമെന്നാണ് ഭീഷണി. ഇതിനെതുടര്‍ന്ന് വിമാനത്താവളത്തിന് സുരക്ഷ വര്‍ധിപ്പിച്ചു.
Also Read: ‘ഡെല്‍ഹിയില്‍ കോവിഡിന്റെ മൂന്നാം തരംഗം’; മുഖ്യമന്ത്രി അരവിന്ദ് കെജ്‌രിവാൾ
നാളെ പുറപ്പെടാനിരിക്കുന്ന രണ്ട് വിമാനങ്ങള്‍ റദ്ദാക്കിയില്ലെങ്കില്‍ ആക്രമിക്കുമെന്നാണ് സിഖ് ഫോര്‍ ജസ്‌റ്റിസ് ഭീഷണി. ഭീഷണി സന്ദേശം പുറത്തുവന്നതിന് പിന്നാലെ ഡെല്‍ഹി പൊലീസും സിആര്‍പിഎഫും ഉന്നത തല യോഗം ചേര്‍ന്ന് വിമാനത്താവള സുരക്ഷ വിലയിരുത്തി. കൂടുതല്‍ സുരക്ഷാ ജീവനക്കാരെ വിമാനത്താവളത്തില്‍ വിന്യസിപ്പിച്ചു. ഭീഷണിയുടെ കാരണം വ്യക്‌തമല്ല.
