പാലക്കാട്: കനത്ത മഴയിൽ മന്ദംപൊട്ടി തോട് കരകവിഞ്ഞതിനെ തുടർന്ന് അട്ടപ്പാടി ചുരത്തിൽ ഗതാഗതം തടസപ്പെട്ടു. സൈലന്റ്‌വാലി വനമേഖലയിൽ ഇന്നലെ പെയ്‌ത കനത്ത മഴയിലാണ് മന്ദംപൊട്ടി തോട് കരകവിഞ്ഞത്. ഇന്നലെ രാത്രി ഏഴ് മണിയോടെയാണ് ചുരത്തിൽ ഗതാഗതം പൂർണമായി തടസപ്പെട്ടത്.
ഗതാഗതം തടസപ്പെട്ടതോടെ അമ്പതോളം വാഹങ്ങളാണ് ചുരത്തിൽ കുടുങ്ങി കിടന്നത്. തുടർന്ന് അരമണിക്കൂറിന് ശേഷം പോലീസ് എത്തിയാണ് വാഹനങ്ങൾ കടത്തിവിട്ടത്. അതേസമയം, അട്ടപ്പാടി ചുരത്തിൽ രാത്രി ഒമ്പത് മുതൽ രാവിലെ ആറുവരെ ഏർപ്പെടുത്തിയ രാത്രിയാത്രാ നിരോധനം തുടരുകയാണ്. ഇതേ തുടർന്ന് മുക്കാലി, ആനമൂളി ചെക്ക്പോസ്‌റ്റുകൾ അടച്ചു.
Most Read: ഇന്നും ശക്‌തമായ മഴ; സംസ്‌ഥാനത്ത് 5 ജില്ലകളിൽ യെല്ലോ അലർട്
