തൃശൂർ: ട്രാക്ക് പരിശോധനക്കിടെ ട്രെയിന്‍ തട്ടി റെയില്‍വേ ജീവനക്കാരൻ കൊല്ലപ്പെട്ടു. നെടുപുഴ അര്‍ബത്ത് കോളനിയിലെ ഹര്‍ഷകുമാര്‍(40) ആണ് മരിച്ചത്. ഇന്നലെ രാത്രി എട്ടേ കാലോടെയാണ് ദാരുണസംഭവം നടന്നത്.
രാത്രിയില്‍ മണ്‍സൂണ്‍ പട്രോളിംഗ് നടത്തുന്നതിനിടെ രാജധാനി എക്‌സ്‌പ്രസ് വരുന്നത് കണ്ട് തൊട്ടടുത്ത പാളത്തിലേക്ക് മാറിയ ഹര്‍ഷകുമാറിനേയും മറ്റൊരു ജീവനക്കാരൻ വിനീഷിനേയും പിന്നിലൂടെ എത്തിയ എഞ്ചിന്‍ ഇടിക്കുകയായിരുന്നു. മഴയുള്ളതിനാല്‍ എന്‍ജിന്‍ വന്ന വിവരം ഇരുവരും അറിഞ്ഞില്ല. ഹര്‍ഷകുമാര്‍ സംഭവ സ്‌ഥലത്ത്‌ തന്നെ മരിച്ചു. ഗുരുതരമായി പരുക്കേറ്റ വിനീഷിനെ ജൂബിലി മിഷന്‍ മെഡിക്കല്‍ കോളേജില്‍ പ്രവേശിപ്പിച്ചു.
Read also: പത്തനാപുരത്തെ സ്‍ഫോടക വസ്‌തു ശേഖരം; ഭീകര വിരുദ്ധ സ്‌ക്വാഡ് അന്വേഷിക്കും
