കൊൽക്കത്ത: പശ്ചിമ ബംഗാളിൽ തൃണമൂൽ കോൺഗ്രസ് നേതാവ് കോവിഡ് ബാധയെ തുടർന്ന് മരണപ്പെട്ടു. ഖർദഹ നിയോജക മണ്ഡലത്തിൽ നിന്ന് തിരഞ്ഞെടുപ്പിൽ മൽസരിച്ച കാജൽ സിൻഹയാണ് മരിച്ചത്. മുഖ്യമന്ത്രി മമത ബാനർജിയാണ് കാജൽ സിൻഹയുടെ മരണവിവരം അറിയിച്ചത്.
കാജൽ സിൻഹയുടെ മരണ വാർത്ത ഞെട്ടിക്കുന്നതാണെന്ന് ആയിരുന്നു മമത ബാനർജിയുടെ ട്വീറ്റ്. തൃണമൂലിന്റെ പ്രതിബദ്ധതയുള്ള അംഗമായിരുന്നു അദ്ദേഹമെന്ന് പറഞ്ഞ മമത തിരഞ്ഞെടുപ്പിൽ അശ്രാന്തമായ പ്രചാരണമാണ് സിൻഹ നടത്തിയതെന്നും കുറിച്ചു.
ജനങ്ങളെ സേവിക്കാനായി ജീവിതം മാറ്റിവച്ച നേതാവായ സിൻഹയുടെ മരണത്തിൽ അനുശോചനം അറിയുക്കുന്നുവെന്നും മമത ട്വിറ്ററിൽ കുറിച്ചു. നിരവധി പേരാണ് അദ്ദേഹത്തിന് അനുശോചനം രേഖപ്പെടുത്തിയത്.
Read Also: രാജ്യത്ത് 551 ഓക്സിജൻ പ്ളാന്റുകൾ സ്ഥാപിക്കാൻ തുക അനുവദിച്ചു