മലപ്പുറം: കോവിഡ് പ്രതിരോധ വാക്സിൻ വിതരണം ജില്ലയിൽ 10 ലക്ഷം കടന്നു. 10,03,863 പേരാണ് ഇതുവരെ വാക്സിൻ സ്വീകരിച്ചത്. ജില്ലയിൽ 8,22,479 പേർക്ക് ഒന്നാം ഡോസും 1,81,384 പേർക്ക് രണ്ടാം ഡോസുമാണ് നൽകിയത്. 18 മുതൽ 44 വയസ് വരെ പ്രായമുള്ള 1,33,794 പേർക്ക് ഒന്നാം ഡോസ് വാക്സിനും 3562 പേർക്ക് രണ്ടാം ഡോസും നൽകി.
45 വയസിന് മുകളിൽ പ്രായമുള്ള 5,92,175 പേർക്ക് ആദ്യഡോസ് വാക്സിനും 1,17,994 പേർക്ക് രണ്ടാം ഡോസ് വാക്സിനുമാണ് നൽകിയിരിക്കുന്നത്. ആരോഗ്യ പ്രവർത്തകരിൽ 42,219 പേർക്ക് ഒന്നാം ഡോസും 28,907 പേർക്ക് രണ്ടാം ഡോസും നൽകി. കോവിഡ് മുന്നണി പോരാളികളിൽ 20,744 പേർക്ക് ഒന്നാം ഡോസും 18,021 പേർക്ക് രണ്ടാം ഡോസും ലഭ്യമാക്കി.
Read Also: രാമനാട്ടുകര അപകടം; സംഘത്തലവൻ അപകടം നടന്നയുടൻ രക്ഷപ്പെട്ടു