കണ്ണൂർ: വളപട്ടണം സഹകരണ ബാങ്കിൽ 2013ൽ നടന്ന തട്ടിപ്പ് കേസിലെ ഒന്നാം പ്രതിക്ക് പത്ത് വർഷം തടവുശിക്ഷ. ബാങ്ക് മാനേജറായ മുഹമ്മദ് ജസീലിനെയാണ് തലശ്ശേരി വിജിലൻസ് കോടതി ശിക്ഷിച്ചത്. കേസിലെ മറ്റ് പ്രതികളായ ബാങ്ക് പ്രസിഡണ്ട്, സെക്രട്ടറി എന്നിവരെ കോടതി വെറുതെവിട്ടു.
മുസ്‌ലിം ലീഗിന്റെ കീഴിലുള്ള ബാങ്കിൽ ആറര കോടി രൂപയുടെ തട്ടിപ്പാണ് നടന്നത്. പത്ത് കുറ്റപത്രങ്ങളാണ് കേസിൽ ഇതുവരെ സമർപ്പിച്ചിരിക്കുന്നത്. ഇതിൽ രണ്ട് ലക്ഷം തട്ടിയ ആദ്യ കേസിന്റെ വിധിയാണ് വന്നത്. തടവിന് പുറമെ ജസീല എട്ടര ലക്ഷം രൂപ പിഴയും ഒടുക്കണം. അതേസമയം, കോടതി വിധിക്കെതിരെ ഹൈക്കോടതിയെ സമീപിക്കുമെന്ന് പ്രതിഭാഗം പറഞ്ഞു. കേസിൽ മതിയായ തെളിവുകളില്ലെന്നും പ്രതിഭാഗം ആരോപിക്കുന്നുണ്ട്.
Also Read: കൊച്ചി പീഡനം; പ്രതി മാർട്ടിൻ ജോസഫിന്റെ ജാമ്യാപേക്ഷ തള്ളി ഹൈക്കോടതി
