ചെന്നൈ: തന്റെ സിനിമകളിലൂടെ നിരന്തരം കേന്ദ്ര സർക്കാരിനെതിരെ നടൻ വിജയ് വിമർശനം നടത്തുന്നതിടെ അദ്ദേഹത്തിന്റെ വീട്ടിൽ നടന്ന ആദായ നികുതി വകുപ്പിന്റെ റെയ്ഡും സിനിമാ ചിത്രീകരണം മുടക്കാൻ ബിജെപി പ്രവർത്തകർ നടത്തിയ ശ്രമവുമെല്ലാം ഏറെ വിവാദമായിരുന്നു. എന്നാൽ ഇതിനെല്ലാം ഒറ്റ സെൽഫി കൊണ്ടാണ് വിജയ് മറുപടി നൽകിയത്.
റെയ്ഡിൽ അനധികൃതമായി ഒന്നും കണ്ടെത്താനായില്ലെന്ന ആദായ നികുതി വകുപ്പിന്റെ അറിയിപ്പ് വന്നതിന് പിന്നാലെ ‘മാസ്റ്റർ’ സിനിമയുടെ ലൊക്കേഷനിൽ തിരിച്ചെത്തിയ വിജയ് നിർത്തിയിട്ടിരുന്ന ബസിന് മുകളിൽ കയറി തന്റെ ആരാധകർക്ക് ഒപ്പം എടുത്ത സെൽഫിയായിരുന്നു അത്. ആരാധകർ ആ സെൽഫി ഏറ്റെടുക്കുകയും വാർത്തകളിൽ ഇടം നേടുകയും ചെയ്തിരുന്നു.
ഇപ്പോഴിതാ ആ സെൽഫിക്ക് ട്വിറ്റർ മറ്റൊരു അംഗീകാരം നൽകിയിരിക്കുകയാണ്. 2020ല് ഇന്ത്യയില് നിന്നും ഏറ്റവും കൂടുതല് റീട്വീറ്റ് ചെയ്യപ്പെട്ടത് ഈ സെല്ഫിയാണ്. 1,58,000 റീട്വീറ്റുകളാണ് ഇതുവരെ ഈ സെല്ഫിക്ക് ലഭിച്ചത്. ട്വിറ്റര് ഇന്ത്യയാണ് ഇക്കാര്യം ഔദ്യോഗികമായി പ്രഖ്യാപിച്ചിരിക്കുന്നത്. ‘2020ല് ഇതാണ് സംഭവിച്ചത്’ എന്ന തലക്കെട്ടില് വിവിധ വിഷയങ്ങള് പങ്കുവെക്കുന്ന സെഗ്മെന്റിലാണ് ട്വിറ്റര് ഇന്ത്യ ഇക്കാര്യം പറയുന്നത്.
The most Retweeted Tweet of 2020
2020 में सबसे ज्यादा रीट्वीट हुआ ट्वीट
2020ம் ஆண்டின்அதிகம் ரிடுவீட் செய்யப்பட்டடுவீட் pic.twitter.com/JpCT4y6fJm— Twitter India (@TwitterIndia) December 8, 2020
ഫെബ്രുവരിയില് മാസ്റ്ററിന്റെ ചിത്രീകരണം നടക്കുന്നതിനിടെ ആയിരുന്നു വിജയ്യെ ആദായ നികുതി വകുപ്പ് കസ്റ്റഡിയിലെടുക്കുകയും ചെന്നൈയിലെ വീട്ടിലെത്തിച്ച് പരിശോധന നടത്തുകയും ചെയ്തത്. ബിഗില് സിനിമയുടെ നിര്മ്മാതാക്കളായ എജിഎസ് ഗ്രൂപ്പിന്റെ ഓഫീസുകളില് ആദായ നികുതി വകുപ്പ് റെയ്ഡ് നടത്തിയതിന് പിന്നാലെയായിരുന്നു നടപടി.
Thank you Neyveli pic.twitter.com/cXQC8iPukl
— Vijay (@actorvijay) February 10, 2020
Also Read: കോവിഡ് വാക്സിന്; ഇന്ത്യന് ജനതയെ ‘ഗിനിപ്പന്നികളാ’യി മാറ്റരുതെന്ന് ദിഗ്വിജയ സിംഗ്