എസ്എസ് രാജമൗലിയുടെ ‘ആർആർആർ’ റിലീസ് മാറ്റിവെച്ചു. ജനുവരി ഏഴിന് റിലീസ് ചെയ്യാനിരുന്ന ചിത്രം ഒമൈക്രോൺ വകഭേദമടക്കം രാജ്യത്ത് കോവിഡ് ഭീഷണി വർധിക്കുകയും പലയിടത്തും തിയേറ്റർ അടക്കുകയും ചെയ്‌തതിനെ തുടർന്നാണ് നീട്ടിയത്.
റിലീസ് മാറ്റിവെച്ച വിവരം ‘ആർആർആർ’ സമൂഹ മാദ്ധ്യമങ്ങളിൽ പങ്കുവെച്ചിട്ടുണ്ട്. അതേസമയം പുതിയ റിലീസിങ് തീയതി അണിയറ പ്രവർത്തകർ അറിയിച്ചിട്ടില്ല.
Keeping the best interests of all the involved parties in mind, we are forced to postpone our film. Our sincere thanks to all the fans and audience for their unconditional love. #RRRPostponed #RRRMovie pic.twitter.com/JlYsgNwpUO
— RRR Movie (@RRRMovie) January 1, 2022
രാജമൗലിയുടെ സംവിധാനത്തിൽ രാം ചരൺ, ജൂനിയർ എൻടിആർ, അജയ് ദേവ്ഗൺ, ആലിയ ഭട്ട് തുടങ്ങിയവർ ഒന്നിക്കുന്ന ‘ആർആർആർ’ അല്ലൂരി സീതാരാമ രാജു, കോമരം ഭീം എന്നീ സ്വാതന്ത്ര്യ സമര സേനാനികളുടെ കഥയാണ് പറയുന്നത്.
നേരത്തെ ഒക്‌ടോബർ 13ന് ചിത്രം പ്രദർശനത്തിന് എത്തുമെന്ന് അണിയറ പ്രവർത്തകർ അറിയിച്ചിരുന്നു. എന്നാൽ പിന്നീട് മാറ്റിവെക്കുകയായിരുന്നു. ഇപ്പോഴിതാ വീണ്ടും ആരാധകരെ നിരാശപ്പെടുത്തി റിലീസ് നീട്ടിയിരിക്കുകയാണ്.
Most Read: വെള്ള റേഷൻ കാർഡ് ഉടമകൾക്ക് ഈ മാസം 10 കിലോ അരി
