വയനാട്: ജില്ലയിൽ ആരോഗ്യപ്രവർത്തകൻ ഉൾപ്പെടെ 64 പേർക്ക് കൂടി കോവിഡ് സ്ഥിരീകരിച്ചു. എടവക സ്വദേശിയായ ആരോഗ്യ പ്രവർത്തകനാണ് പോസിറ്റീവായത്. 63 പേർക്ക് സമ്പർക്കത്തിലൂടെയാണ് രോഗം ബാധിച്ചത്. ഒരാൾ ഇതര സംസ്ഥാനത്ത് നിന്ന് വന്നതാണ്. ഇതോടെ ജില്ലയിൽ കോവിഡ് സ്ഥിരീകരിച്ചവരുടെ ആകെ എണ്ണം 2150 ആയി. ആകെ 1697 പേരാണ് ഇതുവരെ രോഗമുക്തരായത്. നിലവിൽ 473 പേർ ചികിത്സയിൽ തുടരുന്നു.
സമ്പർക്ക രോഗികൾ:-
മേപ്പാടി പഞ്ചായത്തിലെ 12 പേർ, കൽപ്പറ്റ നഗരസഭ 10 പേർ, മുട്ടിൽ-എടവക 5 പേർ വീതം, തിരുനെല്ലി-മീനങ്ങാടി 4 പേർ വീതം, പടിഞ്ഞാറത്തറ, പൂതാടി-തൊണ്ടർനാട് 2 പേർ വീതം, അമ്പലവയൽ, തവിഞ്ഞാൽ, വെള്ളമുണ്ട, മൂപ്പൈനാട്, വെങ്ങപ്പള്ളി, ബത്തേരി ഓരോരുത്തർ വീതം, മുണ്ടേരി സ്‌കൂൾ സമ്പർക്കത്തിലുള്ള കോഴിക്കോട് സ്വദേശികൾ 2 പേർ, കൽപ്പറ്റ സന്പർക്കത്തിലുള്ള കോഴിക്കോട് സ്വദേശി, ഉറവിടം വ്യക്തമല്ലാത്ത 2 തൊണ്ടർനാട് സ്വദേശികൾ, ഒരു പനമരം സ്വദേശി എന്നിവർ.
ജില്ലയിൽ പുതുതായി 215 പേരാണ് നിരീക്ഷണത്തിൽ കഴിയുന്നത്. ആകെ 2945 പേരാണ് നിലവിൽ നിരീക്ഷണത്തിലുള്ളത്. 229 പേർ നിരീക്ഷണ കാലാവധി പൂർത്തിയാക്കി. ഇതുവരെ പരിശോധനക്കയച്ച 66,902 സാമ്പിളുകളിൽ 63,534 പേരുടെ ഫലം ലഭിച്ചു. 61,384 പേരുടെ പരിശോധനാ ഫലം നെഗറ്റീവും 2150 പേരുടെ ഫലം പോസിറ്റീവുമാണ്.
