വയനാട് : വയനാട്ടിൽ കാട്ടുപന്നിയുടെ ആക്രമണത്തെ തുടർന്ന് വീട്ടമ്മക്ക് പരിക്ക്. കേണിച്ചിറ പോലീസ് സ്‌റ്റേഷനടുത്തുള്ള ബന്ധുവീട്ടിലേക്കു നടന്നു പോകുന്നതിനിടെയാണ് കാട്ടുപന്നി ആക്രമിച്ചത്. കൃഷ്‌ണഗിരി മൈലമ്പാടി പാമ്പുകൊല്ലി ഗീത(50)യാണ് കാട്ടുപന്നിയുടെ ആക്രമണത്തിന് ഇരയായത്.
ഇന്നലെ വൈകുന്നേരത്തോടെ കേണിച്ചിറ പൂതാടി റോഡിൽ പോലീസ് സ്‌റ്റേഷന് സമീപമാണ് സംഭവം. കൃഷിയിടത്തിൽ നിന്നു റോഡിലേക്കു ചാടിയ കാട്ടുപന്നി ഗീതയെ ആക്രമിക്കുകയായിരുന്നു. ഉടൻ തന്നെ കേണിച്ചിറ സ്‌റ്റേഷനിലെ പോലീസുകാരും നാട്ടുകാരും ചേർന്ന് ബത്തേരി സ്വകാര്യ ആശുപത്രിയിലും, തുടർന്ന് വിദഗ്‌ധ ചികിൽസകൾക്കായി മേപ്പാടി സ്വകാര്യ മെഡിക്കൽ കോളജിലും എത്തിച്ചു. ഈ ഭാഗങ്ങളിൽ കാട്ടുപന്നിയുടെ ശല്യം രൂക്ഷമായി തുടരുകയാണെന്ന് നാട്ടുകാർ വ്യക്‌തമാക്കുന്നുണ്ട്.
Read also : കഞ്ചാവും ഹാഷിഷ് ഓയിലുമായി യുവാക്കൾ പിടിയിൽ
