മാനന്തവാടി: തോല്പെട്ടിയില് കാട്ടാന അക്രമത്തില് എസ്റ്റേറ്റ് ജീവനക്കാരിയുടെ ക്വാര്ട്ടേഴ്സ് ഭാഗികമായി തകര്ന്നു. നരിക്കലിൽ കാട്ടാന പശുവിനെ ആക്രമിച്ച് കൊലപ്പെടുത്തുകയും ചെയ്തിട്ടുണ്ട്.
തോല്പെട്ടി പിവിഎസ് എസ്റ്റേറ്റിലെ ജീവനക്കാരി ജാന്സിയുടെ ക്വാര്ട്ടേഴ്സിന് നേരെയായിരുന്നു ആനയുടെ ആക്രമണം. കെട്ടിടം ഭാഗികമായി തകർന്ന നിലയിലാണ്.
തോല്പെട്ടി നരിക്കല് വിളഞ്ഞിപുല്ലാന് വിപി സൈതലവിയുടെ പശുവിനെയാണ് കാട്ടാന കൊലപ്പെടുത്തിയത്. ബുധനാഴ്ച പുലര്ച്ചെയാണ് വീടിന് പുറത്തെ പ്ളാവിന്ചുവട്ടില് കെട്ടിയ മൂന്ന് വയസ് പ്രായം വരുന്ന പശുവിനെ ആന ആക്രമിച്ചത്.
സംഭവമറിഞ്ഞ് സ്ഥലത്തെത്തിയ വനപാലകർ തുടര്നടപടികള് സ്വീകരിച്ചു.
Malabar News: കരിപ്പൂരിൽ 40 ലക്ഷം രൂപയുടെ സ്വർണം പിടികൂടി; ഒരാൾ അറസ്റ്റിൽ