ബത്തേരി: ചെതലയം പടിപ്പുരയിൽ ഭീതി പരത്തി കാട്ടാന. നാട്ടിലിറങ്ങിയ കാട്ടാന പുലർച്ചെ സൊസൈറ്റിയിലേക്ക് പാൽ കൊണ്ടുപോകാൻ ഇറങ്ങിയ കർഷകനെ ഓടിക്കുകയും വീട്ടുമുറ്റത്ത് നിർത്തിയിട്ടിരുന്ന ഓട്ടോറിക്ഷ കുത്തിമറിക്കുകയും ചെയ്തു.
പടിപ്പുര ക്ഷേത്രത്തിനടുത്തുള്ള ജനവാസ കേന്ദ്രത്തിലാണ് ആന എത്തിയത്. പടിപ്പുര സ്വദേശി ദേശ്നാഷിന്റെ ഓട്ടോറിക്ഷയാണ് ആന തള്ളിനീക്കുകയും കുത്തിമറിക്കുകയും ചെയ്തത്. പിന്നാലെ റോഡിലിറങ്ങിയ ആന സൊസൈറ്റിയിൽ പാൽ കൊടുക്കാൻ നടന്നു പോവുകയായിരുന്ന പടിപ്പുര ശ്രീധരന് നേരെ ഓടിയടുത്തു. പാൽ റോഡിലുപേക്ഷിച്ച് ശ്രീധരൻ ജീവനും കൊണ്ട് ഓടി രക്ഷപെടുകയായിരുന്നു.
Also Read: പള്ളിപ്പുറത്ത് സ്വർണക്കവർച്ച; പിന്നിൽ പന്ത്രണ്ടംഗ സംഘം; അഞ്ച് പേർ പിടിയിൽ