എറണാകുളം : ജില്ലയില്‍ മാമലക്കണ്ടത്ത് കാട്ടാനയുടെ ആക്രമണത്തില്‍ വയോധിക കൊല്ലപ്പെട്ടു. മാമലക്കണ്ടം എളംബ്‌ളാശേരി ചപ്പാത്ത് സ്വദേശിനിയായ നളിനി(52)യാണ് കൊല്ലപ്പെട്ടത്. വാഴയില്‍ കൃഷ്‌ണന്‍ കുട്ടിയുടെ ഭാര്യയാണ് മരിച്ച നളിനി.
ഇന്ന് ഉച്ചക്ക് ഒരു മണിയോടെയാണ് കാട്ടാനയുടെ ആക്രമണം ഉണ്ടായത്. വനാതിര്‍ത്തിയോട് അടുത്തുള്ള കൃഷിസ്‌ഥലത്ത് മേയാന്‍ വിട്ടിരുന്ന പശുവിനെ അഴിക്കാനായി ചെന്നപ്പോഴാണ് സംഭവം നടന്നത്. ഏറെനേരമായിട്ടും നളിനിയെ കാണാത്തതിനെ തുടര്‍ന്ന് വീട്ടുകാര്‍ പരിസര പ്രദേശങ്ങളില്‍ അന്വേഷിച്ചു. ഇതിനെ തുടര്‍ന്നാണ് കൃഷി സ്‌ഥലത്ത് നിന്നും നളിനിയെ കണ്ടെത്തിയത്.
Read also : നിക്ഷേപ തട്ടിപ്പ് കേസ്; എംസി കമറുദ്ദീൻ 14 ദിവസം റിമാൻഡിൽ
