തിരുവനന്തപുരം: കേരളത്തിലെ കർഷകർ നേരിടുന്ന പ്രധാന പ്രശ്‌നമായ വന്യജീവികളുടെ ആക്രമണം തടയുന്നതിന് വേണ്ട നടപടി സ്വീകരിക്കണമെന്ന് ജോസ് കെ മാണി എംപി. കർഷകരുടെ ജീവനും സ്വത്തിനും സംരക്ഷണം നൽകേണ്ടത് ഇന്നത്തെ കാലഘട്ടത്തിന്റെ പ്രധാന ഉത്തരവാദിത്തമാണ്.
സംസ്‌ഥാന സർക്കാർ ഈ വിഷയം ചർച്ച ചെയ്യുന്നതിന് പ്രത്യേക നിയമസഭാ സമ്മേളനം വിളിച്ചു ചേർക്കണമെന്നും ജോസ് കെ മാണി ആവശ്യപ്പെട്ടു. 1972ലെ വന്യജീവി സംരക്ഷണ നിയമത്തിൽ കാലോചിതമായ മാറ്റം കൊണ്ടുവരണമെന്നും കേരളാ കോൺഗ്രസ്‌ എം ആവശ്യപ്പെട്ടു.
കേരളാ കോൺഗ്രസ്‌ എമ്മിന്റെ യോഗത്തിലാണ് ആവശ്യങ്ങൾ ഉന്നയിക്കുന്നതിനെപ്പറ്റി ചർച്ച നടന്നത്. ജലസേചന വകുപ്പ് മന്ത്രി റോഷി അഗസ്‌റ്റിനും തോമസ് ചാഴിക്കാടൻ എംപിയുൾപ്പെടെയുള്ള പ്രമുഖരും യോഗത്തിൽ പങ്കെടുത്തിരുന്നു.
Read Also: ജാതിക്കും മതത്തിനും വോട്ട് ചെയ്‌തതു കൊണ്ടാണ് യുപിയിൽ വികസനം വരാത്തത്; പ്രിയങ്ക
