തിരുവനന്തപുരം: യൂത്ത് കോണ്ഗ്രസ്സും ഡിവൈഎഫ്ഐ പ്രവര്ത്തകരും തമ്മില് തലസ്ഥാനത്ത് കല്ലേറും സംഘര്ഷവും. പി എസ് സി റാങ്ക് ജേതാവിന്റെ ആത്മഹത്യയില് പ്രതിഷേധിച്ചു പട്ടത്തെ പി എസ് സി ആസ്ഥാന ഓഫീസിന് മുന്പില് യൂത്ത് കോണ്ഗ്രസ്സ് സമരപ്പന്തലിലാണ് സംഭവം.
പ്രതിപക്ഷ നേതാവ് രമേശ് ചെന്നിത്തല സമരപ്പന്തല് സന്ദര്ശിച്ചതിന് പിന്നാലെ വെഞ്ഞാറമ്മൂട് ഇരട്ട കൊലയില് പ്രതിഷേധം നടത്തിയ ഡിവൈഎഫ്ഐ പ്രവര്ത്തകര് അവിടേക്ക് പ്രതിഷേധവുമായി എത്തിയതാണ് സംഭവത്തിന് കാരണമായത്. തുടര്ന്നു ഇരുവിഭാഗവും സംഘര്ഷത്തിലേക്ക് എത്തി. പോലീസ് എത്തി ഇടപെട്ടെങ്കിലും നിരവധി പേര്ക്കു കല്ലേ റിലും അക്രമത്തിലും പരിക്കേറ്റു.