ന്യൂഡെൽഹി: ഒക്‌ടോബർ മാസത്തെ ജിഎസ്‌ടി വരുമാനം 1,30,127 കോടി രൂപയായി ഉയർന്നു. ജിഎസ്‌ടി പദ്ധതി നടപ്പാക്കിയതിന് ശേഷമുള്ള രണ്ടാമത്തെ ഉയർന്ന വരുമാനമാണ് ഇത്. ഈ വർഷത്തെ വരുമാനം കഴിഞ്ഞ വർഷം ഒക്‌ടോബറിനേക്കാൾ 24 ശതമാനവും, കോവിഡിന് മുൻപുള്ള 2019-20 വർഷത്തിലെ ഒക്‌ടോബറിനേക്കാൾ 36 ശതമാനവും കൂടുതലാണ്.
സെപ്റ്റംബർ മാസത്തിൽ 1.17 ലക്ഷം കോടി രൂപയാണ് ചരക്കുസേവന നികുതി ഇനത്തിൽ സമാഹരിച്ചത്. ഇതിനേക്കാൾ പത്ത് ശതമാനത്തിൽ അധികം കൂടുതലാണ് ഒക്‌ടോബറിൽ ലഭിച്ചത്. കോവിഡ് രണ്ടാം തരംഗം നിയന്ത്രണ വിധേയമായതിന് ശേഷം കഴിഞ്ഞ കുറച്ചു മാസങ്ങളായി ജിഎസ്‌ടി നികുതി പിരിവ് മികച്ച നിലവാരം പുലർത്തുന്നുണ്ട്. ഇത് രാജ്യത്തെ സമ്പദ് വ്യവസ്‌ഥയ്‌ക്ക്‌ വലിയ ആശ്വാസമാണ് നൽകുന്നത്.
Read Also: പുനീതിന്റെ സാമൂഹിക സേവനം തുടരാൻ വിശാൽ; 1800 കുട്ടികളുടെ വിദ്യാഭ്യാസം ഏറ്റെടുക്കും
