തൃശൂര്‍ : പാലിയേക്കര ടോള്‍ പ്‌ളാസയില്‍ 11 ജീവനക്കാര്‍ക്ക് കൂടി കോവിഡ് സ്‌ഥിരീകരിച്ചു. ഇന്ന് നടത്തിയ പരിശോധനയിലാണ് കൂടുതല്‍ ജീവനക്കാര്‍ക്ക് കോവിഡ് സ്‌ഥിരീകരിച്ചത്. നേരത്തെ ഇവിടെ 6 ജീവനക്കാര്‍ കോവിഡ് ബാധിതരായിരുന്നു. ഇതിനെ തുടര്‍ന്ന് എല്ലാ ജീവനക്കാരിലും പരിശോധന നടത്താന്‍ ആരോഗ്യവകുപ്പ് നിര്‍ദേശം നല്‍കിയതിനെ തുടര്‍ന്നാണ് ഇന്ന് വീണ്ടും പരിശോധന നടത്തിയത്.
കോവിഡ് പോസിറ്റീവ് ആയ ആളുകളും അവരുമായി സമ്പര്‍ക്കത്തില്‍ ഉണ്ടായിരുന്ന ആളുകളും ഉടന്‍ തന്നെ നിരീക്ഷണത്തില്‍ പോകണമെന്ന് ആരോഗ്യവകുപ്പ് നിര്‍ദേശം നല്‍കിയിട്ടുണ്ട്. ഒപ്പം തന്നെ ജീവനക്കാര്‍ക്ക് കോവിഡ് സ്‌ഥിരീകരിച്ച സാഹചര്യത്തില്‍ ടോള്‍ പിരിക്കുന്നത് തുടർന്നാൽ കൂടുതല്‍ രോഗവ്യാപനം ഉണ്ടാകുന്നതിന് കാരണമാകുമെന്നും, അതിനാല്‍ ടോള്‍ പ്‌ളാസ അടച്ചിടണമെന്നും ആവശ്യപ്പെട്ട് കോണ്‍ഗ്രസ് രംഗത്തെത്തി. തുടര്‍ന്ന് ടോള്‍ പിരിക്കുന്നത് തടഞ്ഞുകൊണ്ട് പ്രവര്‍ത്തകര്‍ വാഹനങ്ങള്‍ കടത്തിവിട്ടു.
Read also : മാവോവാദി വേൽമുരുകന്റെ മരണം; അന്വേഷണചുമതല വയനാട് കളക്‌ടർക്ക്‌
