മലപ്പുറം: ജില്ലയിൽ 12 സ്‌ഥിരം വാക്‌സിനേഷൻ കേന്ദ്രങ്ങൾ തുടങ്ങുന്നതായി ജില്ലാ മെഡിക്കൽ ഓഫിസർ ഡോ.സക്കീന അറിയിച്ചു. ജില്ലയിൽ കോവിഡ് രോഗികളുടെ എണ്ണം ദിനംപ്രതി വർധിക്കുന്ന സാഹചര്യത്തിൽ പ്രതിരോധ നടപടികൾ ശക്‌തിപെടുത്തുക എന്ന ലക്ഷ്യത്തോടെയാണ് സ്‌ഥിരം വാക്‌സിനേഷൻ കേന്ദ്രങ്ങൾ ആരംഭിക്കുന്നതെന്ന് അവർ പറഞ്ഞു.
കേന്ദ്രങ്ങളിൽ നിന്ന് 18 വയസ് കഴിഞ്ഞവർക്കും വാക്‌സിൻ സ്വീകരിക്കാം. നിലവിൽ കോവിഡ് വാക്‌സിനേഷൻ നടക്കുന്ന 120 കേന്ദ്രങ്ങൾക്ക് പുറമെയാണ് 12 പുതിയ സ്‌ഥിരം വാക്‌സിനേഷൻ കേന്ദ്രങ്ങളും ജില്ലയിൽ ആരംഭിച്ചത്. ഇവിടെ 50 ശതമാനം ഓൺലൈൻ രജിസ്‌ട്രേഷൻ വഴിയും 50 ശതമാനം സ്‌പോർട് രജിസ്‌ട്രേഷൻ വഴിയുമാണ് വാക്‌സിൻ നൽകുക.
ആദ്യ ദിവസമായ ഇന്ന് മലപ്പുറം ഗവ.ഹയർ സെക്കണ്ടറി സ്‌കൂളിൽ 2,000 പേർക്ക് വാക്‌സിൻ നൽകും. വാക്‌സിൻ ലഭ്യത അനുസരിച്ച് തുടർന്നുള്ള ദിവസങ്ങളിൽ കൂടുതൽ കേന്ദ്രങ്ങളും തുറക്കും.
Read Also: കാട്ടുതീ പ്രതിരോധം; രണ്ടരവർഷമായി പൂട്ടിക്കിടന്ന മീൻമുട്ടി വെള്ളച്ചാട്ടം തുറന്നു
