പത്തംതിട്ട: കോന്നിയില്‍ പിതാവ് മകളെ പീഡിപ്പിച്ച് ഗര്‍ഭിണിയാക്കി. 13 വയസുകാരിയായ മകളെയാണ് പിതാവ് നിരന്തരം പീഡിപ്പിച്ച് ഗര്‍ഭിണിയാക്കിയത്. പ്രതിയെ പോലീസ് പിടികൂടി. എട്ടുമാസം ഗര്‍ഭിണിയായ പെൺകുട്ടിയെ മഹിളാ മന്ദിരത്തിലേക്ക് മാറ്റി.
കുട്ടിയുടെ ബന്ധു നല്‍കിയ പരാതിയുടെ അടിസ്‌ഥാനത്തിലാണ് കോന്നി പോലീസ് കേസെടുത്തത്. പെൺകുട്ടിയുടെ രഹസ്യമൊഴി രേഖപ്പെടുത്തുമെന്നും കുട്ടിയുടെ മാതാവിനെ വിശദമായി ചോദ്യം ചെയ്യുമെന്നും പോലീസ് അറിയിച്ചു.
അതേസമയം വീട്ടുകാര്‍ സംഭവം മനഃപൂര്‍വം മറച്ചുവച്ചതാണോ എന്നതും പോലീസ് അന്വേഷിക്കും. വിവരം മനഃപൂര്‍വം മാതാവ് മറച്ചുവെച്ചതാണെങ്കില്‍ അവരും പ്രതി ചേര്‍ക്കപ്പെടുമെന്ന് പോലീസ് വ്യക്‌തമാക്കി. ഇവരെയും മറ്റൊരു മഹിളാ കേന്ദ്രത്തിലേക്ക് മാറ്റിയതായി പോലീസ് അറിയിച്ചു.
Most Read: രാജ്യത്ത് വാക്‌സിൻ വിതരണം കുറയുന്നു; രണ്ട് ഡോസും എടുക്കാനായവര്‍ 34 കോടി മാത്രം
