മലപ്പുറം: കോവിഡ് വ്യാപനം രൂക്ഷമായ സാഹചര്യത്തിൽ ജില്ലയിലെ കൊണ്ടോട്ടി നഗരസഭയിലും 7 പഞ്ചായത്തുകളിലും ഇന്ന് രാത്രി മുതൽ നിരോധനാജ്ഞ. ചീക്കോട്, ചെറുകാവ്, പള്ളിക്കൽ, പുളിക്കൽ, മൊറയൂർ, മംഗലം, പോരൂർ പഞ്ചായത്തുകളിലാണ് ഈ മാസം 30 വരെ നിരോധനാജ്ഞ പ്രഖ്യാപിച്ചിരിക്കുന്നത്.
അതേസമയം, ടെസ്റ്റ് പോസിറ്റിവിറ്റി നിരക്ക് ഉയർന്നതിനാൽ ജില്ലയിൽ കൂടുതൽ പരിശോധന നടത്താൻ കോവിഡ് കോർ കമ്മിറ്റി യോഗം തീരുമാനിച്ചിട്ടുണ്ട്. ഇന്നും നാളെയും സംസ്ഥാനത്ത് നടക്കുന്ന കൂട്ടപരിശോധനയുടെ ഭാഗമായാണിത്. മുപ്പത് ശതമാനത്തിൽ കൂടുതൽ ടെസ്റ്റ് പോസിറ്റിവിറ്റി നിരക്കുള്ള തദ്ദേശ സ്വയംഭരണ പ്രദേശങ്ങളിൽ വീടുകളിൽ നേരിട്ടെത്തി ആന്റിജൻ പരിശോധന നടത്തും.
മലപ്പുറത്ത് 32,900 സാമ്പിളുകൾ ശേഖരിക്കും. കടകൾ, ഹോട്ടലുകൾ, വിനോദസഞ്ചാരം, പൊതുഗതാഗതം, വിതരണ ശൃംഖലകളിലെ തൊഴിലാളികൾ എന്നിവരിൽ പരിശോധന നടത്തും. തിരഞ്ഞെടുപ്പ് പ്രക്രിയയിൽ പങ്കെടുത്ത കഴിഞ്ഞ പരിശോധനയിൽ ഉൾപ്പെടാത്തവരെ കണ്ടെത്തി പരിശോധനക്ക് വിധേയരാക്കും.
Also Read: കോവിഡ് വ്യാപനം രൂക്ഷം; എറണാകുളത്ത് പ്രാദേശിക ലോക്ക്ഡൗൺ