ന്യൂഡെൽഹി: ദക്ഷിണ ഡെൽഹിയിലെ സത്യ നികേതനിൽ നിർമാണത്തിലിരുന്ന വീട് തകർന്നു വീണ് അപകടം. കെട്ടിടത്തിന്റെ അവശിഷ്ടങ്ങൾക്കിടയിൽ പെട്ട് രണ്ട് നിർമാണ തൊഴിലാളികളാണ് മരിച്ചത്. ആകെ 5 തൊഴിലാളികളാണ് അപകടത്തിൽ പെട്ടത്.
മണ്ണിനടിയിൽ കുടുങ്ങിയ 3 തൊഴിലാളികളെ രക്ഷപ്പെടുത്തുകയും ചെയ്തു. ഇന്ന് ഉച്ചക്ക് 1.25ഓടെയാണ് അപകടം നടന്നത്. അപകടത്തെ തുടർന്ന് വീടിന്റെ മുൻഭാഗം പൂർണമായും തകർന്നു. പിന്നാലെ സ്ഥലത്തെത്തിയ പോലീസും ഫയർഫോഴ്സും മറ്റ് രക്ഷാപ്രവർത്തകരും അവശിഷ്ടങ്ങൾക്കിടയിൽ നിന്നും തൊഴിലാളികളെ രക്ഷപെടുത്തുന്നതിനുള്ള ശ്രമങ്ങൾ ആരംഭിച്ചു.
വെകുന്നേരം 5.30ഓടെയാണ് അപകടത്തിൽ പെട്ടവരെ അവശിഷ്ടങ്ങൾക്കിടയിൽ നിന്നും പുറത്തെടുത്തത്. ജെസിബി ഉപയോഗിച്ചാണ് കെട്ടിടത്തിന്റെ അവശിഷ്ടങ്ങൾ നീക്കി അപകടത്തിൽ പെട്ടവരെ പുറത്തെത്തിച്ചത്.
Read also: സർവേ കല്ല് പിഴുതെറിഞ്ഞ് നാട്ടുകാർ; തടഞ്ഞ് സിപിഎം