കണ്ണൂർ: അന്താരാഷ്‌ട്ര വിമാനത്താവളത്തിൽ നിന്നും 25 ലക്ഷം രൂപ വിലമതിക്കുന്ന സ്വർണം പിടികൂടി. കാസർകോഡ് സ്വദേശി ഹാഫിസിൽ നിന്നാണ് 480 ഗ്രാം സ്വർണം കസ്‌റ്റംസ്‌ പിടികൂടിയത്. കഴിഞ്ഞ ദിവസങ്ങളിൽ രണ്ട് യാത്രക്കാരിൽ നിന്നായി 85 ലക്ഷം രൂപയുടെ സ്വർണവും കസ്‌റ്റംസ്‌ വിമാനത്താവളത്തിൽ നിന്നും പിടികൂടിയിരുന്നു.
വ്യാഴാഴ്‌ച ദുബായിൽ നിന്നെത്തിയ ശ്രീകണ്‌ഠപുരം സ്വദേശി സബീർ മൈക്കാരനിൽ നിന്ന് 1,038 ഗ്രാം സ്വർണം പിടികൂടി. വെള്ളിയാഴ്‌ച ദുബായിൽ നിന്ന് ഇൻഡിഗോ വിമാനത്തിൽ എത്തിയ നാദാപുരം സ്വദേശി ആഷിഖ് മീരമ്പാറയിൽ നിന്നും 676 ഗ്രാം സ്വർണവും കസ്‌റ്റംസ്‌ പിടികൂടിയിരുന്നു. രണ്ടുപേരും മിശ്രിത രൂപത്തിലുള്ള സ്വർണമാണ് ശരീരത്തിനുള്ളിൽ ഒളിപ്പിച്ച് കടത്താൻ ശ്രമിച്ചത്.
കസ്‌റ്റംസ്‌ ജോയിന്റ് കമ്മീഷണർ എസ് കിഷോർ, സൂപ്രണ്ടുമാരായ വിപി ബേബി, പിസി ചാക്കോ, ദിലീപ് കൗശൽ, മനോജ് യാദവ്, മല്ലിക കൗശിക്, ഹവിൽദാർ കെടിഎം രാജൻ എന്നിവരുടെ നേതൃത്വത്തിൽ നടന്ന പരിശോധനയിലാണ് ഇവർ പിടിയിലായത്.
Read also: മലപ്പുറത്ത് ക്വാറന്റെയ്ൻ ലംഘിച്ച് സ്‌കൂളിലെത്തിയ പ്രിന്‍സിപ്പാളിനെതിരെ കേസ്
