പാലക്കാട്: ജില്ലയില്‍ ദുരൂഹ സാഹചര്യത്തില്‍ മൂന്ന് പേരെ മരിച്ച നിലയില്‍ കണ്ടെത്തി. വാളയാര്‍ പയറ്റുകാട് കോളനിയിലാണ് സംഭവം. വ്യാജമദ്യം കഴിച്ചാണ് ഇവരുടെ മരണമെന്നാണ് സംശയിക്കുന്നത്.
പയറ്റുകാട് കോളനിയിലെ അയ്യപ്പന്‍ (55), രാമന്‍, (55) ,ശിവന്‍ (37) എന്നിവരാണ് മരിച്ചത്. ഇന്നലെ ഇവര്‍ അമിതമായി മദ്യപിച്ചിരുന്നു. മദ്യം കഴിച്ചതാണോ മരണകാരണമെന്ന് വ്യക്‌തമല്ല. പോസ്‌റ്റുമോര്‍ട്ടം റിപ്പോര്‍ട്ട് വന്നതിനു ശേഷം മാത്രമെ മരണകാരണം സ്‌ഥിരീകരിക്കുകയുള്ളു. തമിഴ്‌നാട്ടില്‍ നിന്നാണ് മദ്യം കൊണ്ടു വന്നതെന്നാണ് നിഗമനം. സംഭവത്തില്‍ പോലീസ് അന്വേഷണം തുടങ്ങി.
Read also: വിമാനത്താവള നടത്തിപ്പ്; സര്‍ക്കാര്‍ ഹരജിയില്‍ വിധി ഇന്ന്
