അബുദാബി : കഴിഞ്ഞ 24 മണിക്കൂറിനിടെ യുഎഇയിൽ 1,552 പേർക്ക് കൂടി കോവിഡ് സ്‌ഥിരീകരിച്ചു. രാജ്യത്തിന്റെ വിവിധ ഭാഗങ്ങളിലായി കോവിഡ് ബാധിച്ച് ചികിൽസയിൽ കഴിഞ്ഞിരുന്ന 4 പേരാണ് കഴിഞ്ഞ 24 മണിക്കൂറിൽ രാജ്യത്ത് മരണപ്പെട്ടത്. കൂടാതെ 1,518 പേർ രാജ്യത്ത് 24 മണിക്കൂറിൽ രോഗമുക്‌തി നേടുകയും ചെയ്‌തു.
രാജ്യത്ത് നിലവിൽ കോവിഡ് ബാധിതരായ ആകെ ആളുകളുടെ എണ്ണം 6,42,601 ആയി ഉയർന്നു. ഇവരിൽ 6,20,812 പേർ രാജ്യത്ത് ഇതുവരെ രോഗമുക്‌തരായിട്ടുണ്ട്. 1,843 പേരാണ് രാജ്യത്ത് ഇതുവരെ കോവിഡ് ബാധിച്ച് മരണപ്പെട്ടത്. രാജ്യത്തിന്റെ വിവിധ ഭാഗങ്ങളിലായി നിലവിൽ 19,946 പേരാണ് കോവിഡിനെ തുടർന്ന് ചികിൽസയിൽ കഴിയുന്നത്.
കഴിഞ്ഞ 24 മണിക്കൂറിൽ രാജ്യത്ത് 2,58,483 കോവിഡ് പരിശോധനകൾ നടത്തിയതായി ആരോഗ്യ പ്രതിരോധ മന്ത്രാലയം വ്യക്‌തമാക്കി. ഇതോടെ രാജ്യത്തെ ആകെ കോവിഡ് പരിശോധന 59.3 ദശലക്ഷമായി ഉയർന്നതായും അധികൃതർ അറിയിച്ചു.
Read also : ജാമ്യമില്ല; സിദ്ദീഖ് കാപ്പന്റെ ഹരജി മഥുര കോടതി തള്ളി
