മലപ്പുറം: അരീക്കോട് അനധികൃതമായി കടത്താൻ ശ്രമിച്ച 96 ലക്ഷം രൂപയുടെ കുഴൽപ്പണം പിടികൂടി. ഇന്ന് രാവിലെ വാലില്ലാപ്പുഴയിൽ നടന്ന വാഹന പരിശോധനയിലാണ് പണം പിടികൂടിയത്. സംഭവത്തിൽ രണ്ടുപേരെ അറസ്‌റ്റ് ചെയ്‌തിട്ടുണ്ട്‌. പാലക്കാട് തൃപ്പനച്ചി സ്വദേശി ഫൈസൽ (36), മഹാരാഷ്‌ട്ര സ്വദേശി ഗണേശ (44) എന്നിവരെയാണ് അറസ്‌റ്റ് ചെയ്‌തത്‌.
ജില്ലാ പോലീസ് മേധാവി സുജിത് ദാസിന് ലഭിച്ച രഹസ്യവിവരത്തിന്റെ അടിസ്‌ഥാനത്തിൽ അരീക്കോട് പോലീസാണ് വാഹന പരിശോധന നടത്തിയത്. പരിശോധനയിൽ രേഖകൾ ഇല്ലാതെ കടത്താൻ ശ്രമിച്ച 96 ലക്ഷം രൂപയാണ് പിടികൂടിയത്.
Most Read: സ്വകാര്യ ബസ് സമരം മാറ്റിവച്ചു
