കോഴിക്കോട് : ജില്ലയിലെ മെഡിക്കൽ കോളേജിൽ ബ്ളാക്ക് ഫംഗസ് മരുന്നിന് ക്ഷാമം നേരിടുന്നതായി ആശുപത്രി അധികൃതർ. നിലവിൽ ബ്ളാക്ക് ഫംഗസ് രോഗികൾക്ക് നൽകുന്ന ലൈപോസോമല് ആംഫോടെറിസിന്, ആംഫോടെറിസിന് എന്നീ രണ്ട് മരുന്നുകളും തീർന്നതായി അധികൃതർ വ്യക്തമാക്കി. അതേസമയം കോഴിക്കോട് മെഡിക്കൽ കോളേജിൽ നിലവിൽ ബ്ളാക്ക് ഫംഗസ് ബാധിച്ച് ചികിൽസയിൽ കഴിയുന്നത് 16 പേരാണ്. ഇവരിൽ രണ്ട് പേരുടെ സ്ഥിതി ഗുരുതരവുമാണ്.
രോഗബാധിതരായി ചികിൽസയിൽ കഴിയുന്നവർക്ക് വിതരണം ചെയ്യാൻ നിലവിൽ ആശുപത്രിയിൽ മരുന്നില്ല. മരുന്നിന്റെ സ്റ്റോക്ക് അവസാനിക്കാറായെന്ന് ബന്ധപ്പെട്ടവരെ നേരത്തെ തന്നെ അറിയിച്ചിരുന്നെന്ന് ആശുപത്രി അധികൃതർ വ്യക്തമാക്കി. എന്നാൽ ഉടൻ എത്തിക്കാമെന്ന് മറുപടി ലഭിച്ചതല്ലാതെ മരുന്ന് ഇതുവരെയും ലഭ്യമായിട്ടില്ലെന്ന് മെഡിക്കൽ കോളേജ് അധികൃതർ വ്യക്തമാക്കി.
Read also : കുഴൽപ്പണ കേസ്; പ്രതികളുടെ വീടുകളിൽ പോലീസ് പരിശോധന
