ന്യൂഡെൽഹി: 30,000ത്തിന് അടുത്ത് പിക്കപ്പ് വാഹനങ്ങൾ തിരികെ വിളിച്ച് മഹീന്ദ്ര. വാഹനങ്ങളുടെ ഫ്‌ളൂയിഡ് പൈപ്പിൽ തകരാറ് കണ്ടെത്തിയതിന് പിന്നാലെയാണ് നടപടി. 2020 ജനുവരിക്കും 2021 ഫെബ്രുവരിക്കും ഇടയിൽ നിർമിച്ച 29,878 വാഹനങ്ങളാണ് തിരികെ വിളിച്ചത്.
അതേസമയം വാഹനങ്ങളുടെ പരിശോധനയും മെയിന്റനൻസും സൗജന്യമായി നടത്തുമെന്ന് മഹീന്ദ്ര വ്യക്‌തമാക്കിയിട്ടുണ്ട്‌.
ഈ വർഷം മാത്രം ഇത് മൂന്നാം തവണയാണ് മഹീന്ദ്ര വാഹനങ്ങൾ തിരികെവിളിക്കുന്നത്. നാഷികിലെ ഫാക്‌ടറിയിൽ 2021 ജൂൺ 21 മുതൽ ജൂലൈ 2 വരെയുള്ള കാലയളവിൽ നിർമിച്ച 600 വാഹനങ്ങൾ മഹീന്ദ്ര ജൂലൈയിൽ തിരികെ വിളിച്ചിരുന്നു. കൂടാതെ 2020 സെപ്‌തംബർ 7 മുതൽ ഡിസംബർ 25 വരെ നിർമിച്ച 1577 താറുകളും ഫെബ്രുവരിയിൽ മഹീന്ദ്ര തിരികെ വിളിച്ചിരുന്നു.
Most Read: കളിക്കാതെ കോടതിക്ക് മുന്നിൽ സത്യം തെളിയിക്കൂ; മഹുവ മൊയ്‌ത്ര
