കൊല്ലം: ഡോക്ടർ ആത്മഹത്യ ചെയ്ത സംഭവത്തില് പൊലീസ് നടപടി ഊര്ജിതമാക്കി. രണ്ട് പ്രാദേശിക ഓണ്ലൈന് മാദ്ധ്യമങ്ങളെ ചോദ്യം ചെയ്യും. ഇന്ത്യന് മെഡിക്കല് അസോസിയേഷന്റെ പരാതിയിലാണ് പൊലീസ് അന്വേഷണം ഊർജിതമാക്കിയത്. ഡോക്ടറുടെ ഫോണ് പൊലീസ് കണ്ടെടുത്തിട്ടുണ്ട്.
മരിക്കുന്നതിന് മുമ്പ് ഡോക്ടർ അനൂപ് കൃഷ്ണയുടെ ഡയറിക്കുറിപ്പില് രണ്ട് ഓണ്ലൈന് മാദ്ധ്യമ ഉടമകളുടെ പേര് രേഖപ്പെടുത്തിയിട്ടുണ്ട്. കുട്ടിയുടെ മരണത്തിന് ശേഷം ചില ഓണ്ലൈന് മാദ്ധ്യമങ്ങള് ഈ വിഷയത്തിന്റെ പേരില് ഡോക്ടറെ ഭീഷണിപ്പെടുത്തി പണം തട്ടാന് ശ്രമിച്ചെന്നാണ് സുഹൃത്തുക്കളുടെ മൊഴി. കുട്ടിയുടെ മരണ ശേഷം വര്ക്കലയിലേക്ക് ഡോക്ടറെ വിളിച്ച് വരുത്തിയതാണോ എന്നും പൊലീസ് പരിശോധിക്കുന്നുണ്ട്. ഭീഷണി, വ്യാജവാര്ത്ത എന്നീ വിഷയങ്ങളിലാണ് രണ്ട് ഓണ്ലൈന് പ്രാദേശിക മാദ്ധ്യമ ഉടമകളെ പൊലീസ് ചോദ്യം ചെയ്യാന് ഒരുങ്ങുന്നത്.
Also Read: കോവിഡ് 19; കൂടുതല് സംസ്ഥാനങ്ങളിലും ആക്റ്റീവ് കേസുകള് കുറയുന്നു
