ന്യൂ ഡെല്‍ഹി: രാജ്യത്തെ 25-ലധികം സംസ്ഥാനങ്ങളിലും, കേന്ദ്രഭരണ പ്രദേശങ്ങളിലും ആക്റ്റീവ് കോവിഡ് കേസുകള്‍ കുറയുന്നതായി കേന്ദ്ര ആരോഗ്യമന്ത്രാലയം. ട്വിറ്ററിലൂടെ പുറത്തുവിട്ട ഏറ്റവും പുതിയ കണക്കുകള്‍ പ്രകാരം രാജ്യത്ത് രോഗമുക്തി നിരക്ക് വര്‍ദ്ധിക്കുന്നത് ആക്റ്റീവ് കേസുകള്‍ കുറയാന്‍ കാരണമാകുന്നു എന്നാണ് സര്‍ക്കാര്‍ പറയുന്നത്.
25 States/UTs have reported fall in the number of Active Cases during the last week. pic.twitter.com/ePqumD9yyc
— Ministry of Health (@MoHFW_INDIA) October 3, 2020
ദിവസേന രോഗബാധ കണ്ടെത്തുന്നവരുടെ എണ്ണം വര്‍ദ്ധിക്കുമ്പോഴും രോഗ മുക്തി നിരക്ക് കൂടുന്നതാണ് ഏക ആശ്വാസം. രാജ്യത്തെ ആകെ ആക്റ്റീവ് കേസുകളില്‍ 76.62 ശതമാനവും 10 സംസ്ഥാനങ്ങളില്‍ നിന്നുള്ളത് മാത്രമാണെന്ന് മന്ത്രാലയം ചൂണ്ടിക്കാണിക്കുന്നു. ഏറ്റവും കൂടുതല്‍ പേര്‍ ചികിത്സയിലുള്ളത് മഹാരാഷ്‌ട്രയിലാണ്, 2.5 ലക്ഷം. രാജ്യത്തെ ആകെ രോഗബാധ 64 ലക്ഷം കടന്നു.
Read Also: റഷ്യന്‍ വാക്‌സിൻ പരീക്ഷണം ഇന്ത്യയില്‍ നടത്താന്‍ അനുമതി തേടി ഡോ.റെഡ്ഡീസ്
