കണ്ണൂർ: ജില്ലയിലെ മാടായിപ്പാറയിൽ സിൽവർ ലൈനിന്റെ സർവേ കല്ലുകൾ പിഴുതുമാറ്റിയ ഫോട്ടോ ഫേസ്ബുക്കിൽ പങ്കുവെച്ച യുവാവിനെതിരെ കേസ്. യൂത്ത് കോൺഗ്രസ് മണ്ഡലം പ്രസിഡണ്ട് കൂടിയായ പുത്തൻപുരയിൽ രാഹുലിനെതിരെയാണ് പഴയങ്ങാടി പോലീസ് കേസെടുത്തത്. രാഹുൽ കലാപത്തിന് ആഹ്വാനം ചെയ്തെന്നാണ് പരാതിയിൽ പറയുന്നത്.
മാടായിപ്പാറയിൽ അഞ്ചാം വാർഡ് അംഗമായ പി ജനാർദ്ദനന്റെ പരാതിയിലാണ് പോലീസ് കേസെടുത്തിരിക്കുന്നത്. ‘പണി തുടങ്ങിട്ടുണ്ട്ട്ടോ’ എന്ന അടിക്കുറിപ്പോടെയാണ് രാഹുൽ ഫോട്ടോ ഫേസ്ബുക്കിൽ പങ്കുവെച്ചത്. ഇത് കലാപത്തിന് പ്രേരിപ്പിക്കുന്നതാണെന്നാണ് പരാതി.
ഇതാദ്യമായാണ് ഫേസ്ബുക്കിൽ ഫോട്ടോ പങ്കുവെച്ചതിന്റെ പേരിൽ കെ-റെയിൽ വിഷയത്തിൽ പോലീസ് കേസെടുക്കുന്നത്. അതേസമയം, രാഹുലിനെതിരെ കേസെടുത്തതിൽ പ്രതിഷേധിച്ച് യൂത്ത് കോൺഗ്രസ് ഇന്ന് പഴയങ്ങാടി പോലീസ് സ്റ്റേഷനിലേക്ക് മാർച്ച് നടത്തും.
Most Read: രാഷ്ട്രപതിക്ക് ഡി ലിറ്റ് നിഷേധിച്ച് വിസി ഗവര്ണര്ക്ക് നല്കിയ കത്ത് പുറത്ത്
