അബുദാബി: യുഎഇയിൽ പ്രതിദിനം കോവിഡ് സ്ഥിരീകരിക്കുന്ന ആളുകളുടെ എണ്ണത്തിൽ വർധന. കഴിഞ്ഞ 24 മണിക്കൂറിൽ 2,989 പേർക്ക് കൂടി രോഗം സ്ഥിരീകരിച്ചു. കൂടാതെ രാജ്യത്തിന്റെ വിവിധ ഭാഗങ്ങളിലായി 4 പേർ മരിക്കുകയും ചെയ്തു. അതേസമയം രാജ്യത്ത് നിലവിൽ രോഗമുക്തരാകുന്ന ആളുകളുടെ എണ്ണം രോഗബാധിതരേക്കാൾ കുറവാണ്.
945 പേരാണ് കഴിഞ്ഞ 24 മണിക്കൂറിൽ രാജ്യത്ത് രോഗമുക്തരായത്. നിലവിൽ രാജ്യത്ത് കോവിഡ് സ്ഥിരീകരിച്ച ആകെ ആളുകളുടെ എണ്ണം 8,08,237 ആയി ഉയർന്നു. ഇവരിൽ 7,41,213 പേർ ഇതുവരെ രോഗമുക്തരായി. നിലവിൽ ചികിൽസയിൽ കഴിയുന്ന ആളുകളുടെ എണ്ണം 44,829 ആണ്. കൂടാതെ രാജ്യത്ത് ഇതുവരെ 2,195 പേർ കോവിഡിനെ തുടർന്ന് മരിക്കുകയും ചെയ്തു.
രോഗബാധിതരുടെ എണ്ണം ഉയരുന്ന സാഹചര്യത്തിൽ ജനങ്ങളുടെ ആരോഗ്യവും സുരക്ഷയും ഉറപ്പാക്കാൻ നിർദ്ദേശങ്ങള് പാലിച്ച് അധികൃതരുമായി സഹകരിക്കാനും ശാരീരിക അകലം പാലിക്കാനും ആരോഗ്യ പ്രതിരോധ മന്ത്രാലയം നിർദ്ദേശം നൽകി. കൂടാതെ കോവിഡ് കേസുകൾ നേരത്തെ കണ്ടെത്തുന്നതിനായി രാജ്യവ്യാപക പരിശോധനയും യുഎഇയിൽ തുടരുകയാണ്.
Read also: അബുദാബിയിൽ സ്ഫോടനം; ഇന്ത്യക്കാർ ഉൾപ്പടെ മൂന്നുപേർ മരിച്ചു