അബുദാബി: മുസഫയിലുണ്ടായ സ്ഫോടനത്തില് മൂന്ന് പേര് മരിച്ചു. ആറ് പേര്ക്ക് പരിക്കേറ്റു. മരിച്ചവരില് രണ്ട് പേര് ഇന്ത്യക്കാരും ഒരാള് പാകിസ്ഥാന് സ്വദേശിയുമാണെന്ന് അബുദാബി പോലീസ് അറിയിച്ചു. ചികിൽസയിൽ കഴിയുന്നവരുടെ പരിക്കുകള് ഗുരുതരമല്ലെന്നാണ് വിവരം.
തിങ്കളാഴ്ച രാവിലെയാണ് മുസഫയിൽ മൂന്ന് എണ്ണ ടാങ്കറുകൾ പൊട്ടിത്തെറിച്ചത്. അബുദാബി വിമാനത്താവളത്തിന് സമീപം പുതിയ നിർമാണ മേഖലയിലും സ്ഫോടനമുണ്ടായി. തീ പിടുത്തം നിയന്ത്രണ വിധേയമായെന്നാണ് അധികൃതർ അറിയിച്ചിരിക്കുന്നത്. ഡ്രോൺ ആക്രമണമാണ് നടന്നതെന്ന് സംശയിക്കുന്നുണ്ട്. അഡ്നോക്കിന്റെ സംഭരണ ശാലക്ക് സമീപമുള്ള ഐസിഎഡി- 3യിലാണ് ടാങ്കറുകൾ ഉണ്ടായിരുന്നത്.
Also Read: നടിയെ ആക്രമിച്ച കേസ്; 3 സാക്ഷികളുടെ പുനർ വിസ്താരത്തിന് അനുമതി നിഷേധിച്ച് ഹൈക്കോടതി