ട്വിറ്ററിന്റെ സബ്സ്ക്രിപ്ഷൻ സേവനമായ ‘ ട്വിറ്റർ ബ്ളൂ’വിന്റെ ഭാഗമാകുന്ന ആൻഡ്രോയിഡ് ഉപഭോക്താക്കൾക്കും ആപ്പിലെ നാവിഗേഷൻ ബാർ താൽപര്യം അനുസരിച്ച് നാവിഗേഷൻ കസ്റ്റമൈസ് ചെയ്യാം.
നേരത്തെ ഈ ഫീച്ചർ ആപ്പിളിന്റെ ഐഒഎസ് ഉപകരണങ്ങളിൽ മാത്രമേ ലഭിച്ചിരുന്നുള്ളൂ. ഇതുവഴി ഉപഭോക്താക്കൾക്ക് ‘സ്പേസസ്’ ഐക്കൺ ഒഴിവാക്കാനും മറ്റ് ടാബുകൾ ആവശ്യാനുസരണം ക്രമീകരിക്കാനും സാധിക്കും.
പ്രധാന മെനുവിൽ നിന്ന് ട്വിറ്റർ ബ്ളൂ തിരഞ്ഞെടുത്ത് സബ്സ്ക്രൈബ് ബട്ടൺ ക്ളിക്ക് ചെയ്യുക. പണമിടപാടുകൾ പൂർത്തിയാക്കുക, യുഎസ്, കാനഡ, ഓസ്ട്രേലിയ, ന്യൂസിലാൻഡ് എന്നിവിടങ്ങളിൽ ഉള്ളവർക്ക് മാത്രമേ ഈ ഫീച്ചർ ലഭിക്കുകയുള്ളൂ. സ്ക്രീനിൽ പ്രദർശിപ്പിച്ചിട്ടുള്ള ടാബുകളുടെ എണ്ണം രണ്ട് വരെയാക്കി കുറയ്ക്കാനോ അല്ലെങ്കിൽ എല്ലാ അഞ്ച് ടാബുകളും പ്രദർശിപ്പിക്കാനോ സാധിക്കും.
ട്വിറ്റർ ബ്ളൂവിന്റെ ഭാഗമാകുന്നവർക്ക് ബുക്ക് മാർക്ക് ഫോൾഡറുകൾ, അൺഡു ട്വീറ്റ്, റീഡർ മോഡ് ഉൾപ്പടെയുള്ള അധിക സൗകര്യങ്ങൾ ലഭ്യമാണ്. ട്വിറ്റർ ഐക്കൺ ഇഷ്ടാനുസരണം മാറ്റാൻ സാധിക്കുന്ന കസ്റ്റമൈസബിൾ ആപ്പ് ഐക്കൺ ഫീച്ചറും ഇവർക്ക് ലഭിക്കും. കഴിഞ്ഞ വർഷം ഓസ്ട്രേലിയയിലും കാനഡയിലുമാണ് ഈ സൗകര്യം ആദ്യമായി അവതരിപ്പിച്ചത്.
Most Read: തല മുതൽ പാദം വരെ ടാറ്റു, 16 വർഷമായി ഗിന്നസ് റെക്കോർഡ്; അമ്പരപ്പിച്ച് 51കാരൻ