മലപ്പുറം: രാജസ്‌ഥാനിലെ ബിക്കാനീർ സ്വദേശിയെ വെർച്വൽ അറസ്‌റ്റ് ചെയ്‌ത്‌ 60 ലക്ഷത്തോളം രൂപ തട്ടിയ സംഭവത്തിൽ മൂന്നുപേർ പിടിയിൽ. കേസിലെ മുഖ്യകണ്ണികളായ മേലാറ്റൂർ സ്വദേശി സുനീജ് (38), തൃശൂർ പൂത്തോൾ സ്വദേശി അശ്വിൻ രാജ് (27), പെരിന്തൽമണ്ണ കൊളത്തൂർ സ്വദേശി മുഹമ്മദ് ഷെഫീഖ് (29) എന്നിവരാണ് അറസ്‌റ്റിലായത്‌.
മേലാറ്റൂർ പോലീസിന്റെ സഹായത്തോടെ രാജസ്‌ഥാൻ പോലീസാണ് കഴിഞ്ഞദിവസം മേലാറ്റൂരിലെത്തി പ്രതികളെ പിടികൂടിയത്. തീവ്രവാദ ബന്ധം ആരോപിച്ചാണ് ഇരയുടെ പക്കൽ നിന്ന് ഇവർ പണം തട്ടിയതെന്ന് പോലീസ് പറഞ്ഞു. 60,08,794 രൂപയാണ് തട്ടിയെടുത്തത്. പ്രതികളെ പെരിന്തൽമണ്ണ കോടതിയിൽ ഹാജരാക്കിയ ശേഷം തുടർനടപടികൾക്കായി രാജസ്‌ഥാനിലേക്ക് കൊണ്ടുപോയി.
Most Read| നിന്നനിൽപ്പിൽ അപ്രത്യക്ഷമാകും, ഉടൻ പ്രത്യക്ഷപ്പെടും; അത്‌ഭുത തടാകം
