വാദങ്ങളിൽ ഉറച്ച് ശിവകുമാറും സിദ്ധരാമയ്യയും; ഇനി ചർച്ച ഡെൽഹിയിൽ
മുഖ്യമന്ത്രിപദം രണ്ടരവർഷത്തിന് ശേഷം തനിക്ക് ലഭിക്കണമെന്ന നിലപാടിൽ ശിവകുമാർ ഉറച്ചുനിന്നതായാണ് വിവരം. എന്നാൽ, മുഖ്യമന്ത്രിപദം ഒഴിയാനാവില്ലെന്ന് സിദ്ധരാമയ്യയും വ്യക്തമാക്കി.
ബെംഗളൂരു: കർണാടകയിൽ മുഖ്യമന്ത്രി കസേരയ്ക്കായുള്ള തർക്കം തുടരുന്നതിനിടെ, ഉപമുഖ്യമന്ത്രി ഡികെ ശിവകുമാറും മുഖ്യമന്ത്രി സിദ്ധരാമയ്യയും ചർച്ച നടത്തിയെങ്കിലും തീരുമാനമായില്ലെന്ന് വിവരം. മുഖ്യമന്ത്രിയുടെ ഔദ്യോഗിക വസതിയിലായിരുന്നു ചർച്ച. മുഖ്യമന്ത്രിപദം രണ്ടരവർഷത്തിന് ശേഷം തനിക്ക് ലഭിക്കണമെന്ന നിലപാടിൽ ശിവകുമാർ ഉറച്ചുനിന്നതായാണ് വിവരം.
എന്നാൽ, മുഖ്യമന്ത്രിപദം ഒഴിയാനാവില്ലെന്ന് സിദ്ധരാമയ്യയും വ്യക്തമാക്കി. ഇനിയുള്ള ചർച്ചകൾ ഡെൽഹിയിൽ നടക്കും. ഹൈക്കമാൻഡിന്റേതാകും അന്തിമ തീരുമാനം. പ്രശ്നങ്ങളില്ലെന്നാണ് ഇരുവിഭാഗവും അവകാശപ്പെടുന്നത്. ഇരുവരെയും ഡെൽഹിയിലേക്ക് വിളിപ്പിക്കുന്നതിന് മുന്നോടിയായാണ് ചർച്ച നടന്നത്.
പാർട്ടി എടുക്കുന്ന ഏത് തീരുമാനവും അനുസരിക്കുമെന്ന് സിദ്ധരാമയ്യ ഇന്നലെ വ്യക്തമാക്കിയിരുന്നു. ഇരു നേതാക്കളുടെയും ക്യാമ്പുകൾ തന്ത്രങ്ങൾ മെനയുന്നതിന്റെ തിരക്കിലാണ്. സിദ്ധരാമയ്യ എന്തുകൊണ്ട് തുടരണമെന്ന് നേതൃത്വത്തെ ധരിപ്പിക്കാൻ ആ വിഭാഗം ശക്തമായ കാരണങ്ങൾ കണ്ടെത്തുമ്പോൾ, ശിവകുമാറിന്റെ ഉടൻ മുഖ്യമന്ത്രിയാക്കാനുള്ള സമ്മർദ്ദ തന്ത്രങ്ങളാണ് മറുവിഭാഗം ആസൂത്രണം ചെയ്യുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
