ധാക്ക: ബംഗ്ളാദേശ് തലസ്ഥാനമായ ധാക്കയിൽ സ്ഫോടനം. ഒരാൾ കൊല്ലപ്പെട്ടു. ധാക്കയിലെ മോഗ്ബസാർ മേഖലയിലെ മേൽപ്പാലത്തിൽ നിന്ന് അക്രമികൾ സ്ഫോടക വസ്തുക്കൾ എറിയുകയായിരുന്നുവെന്ന് ബംഗ്ളാദേശ് പോലീസ് പറഞ്ഞു. രണ്ടാഴ്ചയായി കലാപം തുടരുന്ന ബംഗ്ളാദേശിൽ സ്ഥിതിഗതികൾ ഇതോടെ രൂക്ഷമായി.
മോഗ്ബസാറിലെ സ്വാതന്ത്ര്യ സമര സേനാനികളുടെ സ്മാരകത്തിന് മുന്നിലാണ് സ്ഫോടനമുണ്ടായത്. സ്ഥലത്ത് ഉണ്ടായിരുന്ന സിയാം എന്നയാൾക്ക് ഗുരുതര പരിക്കേൽക്കുകയും ഇയാൾ പിന്നീട് മരിക്കുകയും ചെയ്തു. സ്വകാര്യ ഫാക്ടറിയിലെ ജീവനക്കാരനായിരുന്നു സിയാം എന്ന് ബന്ധുക്കൾ പറയുന്നു.
അക്രമത്തിന് ശേഷം അക്രമികൾ രക്ഷപ്പെട്ടു. ഇവർക്കായി തിരച്ചിൽ തുടരുകയാണ്. ആക്രമണത്തിന് പിന്നിലെ ലക്ഷ്യം അറിവായിട്ടില്ലെന്ന് ധാക്ക മെട്രോപൊളിറ്റൻ പോലീസ് ഡെപ്യൂട്ടി കമ്മീഷണർ മസൂദ് ആലം പറഞ്ഞു. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല.
Most Read| പ്രതിസന്ധികളിൽ തളർന്ന് പോകാതെ സുനിത, ജൻമ നാട്ടിലെ ആദ്യ വനിതാ പോലീസ്
