പൊന്നാനി: കാലത്തിനൊപ്പമല്ല, കാലത്തിന് മുന്നേയാകണം വിദ്യാഭ്യാസ രംഗത്തെ പ്രവർത്തനങ്ങളും പരിഷ്കാരങ്ങളുമെന്ന് പൊന്നാനി എംഎൽഎ കെപി. നൗഷാദലി.
പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) വിദ്യാഭ്യാസ സമിതി, താലൂക്കിലെ എസ്എസ്എൽസി, പ്ളസ് ടു വിജയികൾക്കായി സംഘടിപ്പിച്ച അനുമോദന പരിപാടി “വിജയതീരം – 26‘ ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം.
വിജ്ഞാനത്തിന്റെയും വിദ്യാഭ്യാസത്തിന്റെയും മേഖലകൾ ആഗോളതലത്തിൽ അതിവേഗം വികസിച്ചു കൊണ്ടിരിക്കുകയാണ്. അതിനൊപ്പo നമ്മുടെ കുട്ടികൾക്കും ക്രിയാത്മകമായി മുന്നേറാൻ കഴിയുംവിധം സമൂല മാറ്റം അനിവാര്യമാണെന്നും എംഎൽഎ അഭിപ്രായപ്പെട്ടു.
വിദ്യാഭ്യാസസമിതി ചെയർമാൻ പ്രൊഫ. വികെ. ബേബി അധ്യക്ഷത വഹിച്ച ചടങ്ങിൽ പൊന്നാനി മുനിസിപ്പൽ ചെയർപേഴ്സൻ സിവി. സുധ മുഖ്യാതിഥി ആയിരുന്നു. പിസിഡബ്ള്യുഎഫ് ഗ്ളോബൽ പ്രസിഡണ്ട് സിഎസ്. പൊന്നാനി മുഖ്യ പ്രഭാഷണം നടത്തി. പി. കോയക്കുട്ടി മാസ്റ്റർ, ടി മുനീറ, ഡോ. അബ്ദുറഹിമാൻ കുട്ടി, സിവി. മുഹമ്മദ് നവാസ്, അടാട്ട് വാസുദേവൻ മാസ്റ്റർ, ആയിഷ ഹസ്സൻ തുടങ്ങിയവർ സംസാരിച്ചു. എസ്. ലത സ്വാഗതവും സിവി. അബ്ദുറഷീദ് നന്ദിയും പറഞ്ഞു.
Most Read| കളിയാക്കിയവരെ കൊണ്ട് കൈയ്യടിപ്പിച്ച് ഭൂമിക; ഇന്നവൾ ഫാഷൻ ലോകത്തെ മിന്നും താരം
