ന്യൂഡെല്ഹി: ആം ആദ്മി പാര്ട്ടി നേതാവ് രാഘവ് ചദ്ദ ഡെല്ഹി പൊലീസ് കസ്റ്റഡിയിലെന്ന് റിപ്പോര്ട്ട്. കേന്ദ്ര ആഭ്യന്തരമന്ത്രി അമിത് ഷായുടെ ഔദ്യോദിക വസതിക്ക് മുന്നില് പ്രതിഷേധം നടത്താനിരിക്കെയായിരുന്നു ഇദ്ദേഹത്തെ രാജേന്ദ്ര നഗര് പോലീസ് കസ്റ്റഡിയില് എടുത്തതെന്ന് ആം ആദ്മി ആരോപിച്ചു.
മുനിസിപ്പല് കൗണ്സിലുമായി ബന്ധപ്പെട്ട് ബിജെപി 2,457 കോടി രൂപ ദുരുപയോഗം ചെയ്തുവെന്നാരോപിച്ച് ചദ്ദ അമിത് ഷായുടെ വസതിക്ക് മുന്നില് പ്രതിഷേധം നടത്താന് തീരുമാനിച്ചിരുന്നു. ചദ്ദക്ക് പുറമെ സഞ്ജീവ് ഝാ, റിതുരാജ് ഗോവിന്ദ്, കുല്ദീപ് കുമാര് എന്നിവരെയും അതത് മണ്ഡലങ്ങളിലെ പോലീസ് സ്റ്റേഷനുകളില് കസ്റ്റഡിയിലെടുത്തിട്ടുണ്ട്.
അമിത് ഷായുടെ വസതിക്ക് പുറത്ത് പ്രകടനം നടത്തണമെന്ന ചദ്ദയുടെ അഭ്യര്ഥന കൊവിഡ് സാഹചര്യം കണക്കിലെടുത്ത് പൊലീസ് നിരസിച്ചിരുന്നു. ഇന്ത്യന് ആഭ്യന്തര മന്ത്രിയുടെ വസതിക്ക് പുറത്ത് ഏതെങ്കിലും തരത്തിലുള്ള ഒത്തുചേരല് അനുവദനീയമല്ല. നിങ്ങളുടെ അഭ്യര്ഥന പരിഗണിച്ചെങ്കിലും നിരസിക്കുന്നുവെന്ന് ഡെല്ഹി പോലീസ് അറിയിച്ചിരുന്നു.
Read also: ടിആർപി തട്ടിപ്പ്; റിപ്പബ്ളിക് ടിവി സിഇഒ അറസ്റ്റിൽ
