കോഴിക്കോട്: കാപ്പാട് ബീച്ചില് സന്ദര്ശകര്ക്കുള്ള പ്രവേശന ഫീസ് നിരക്ക് കുറച്ചു. ജില്ല കളക്ടർ സാംബശിവ റാവുവിന്റെ അധ്യക്ഷതയില് ജനപ്രതിനിധികളും ജില്ല ടൂറിസം പ്രമോഷന് കൗണ്സില് (ഡിടിപിസി) ഉദ്യോഗസ്ഥരും പങ്കെടുത്ത യോഗത്തിലാണ് തീരുമാനം. മുതിര്ന്നവരുടെ പ്രവേശന ഫീസ് 25 രൂപയായും കുട്ടികളുടേത് 10 രൂപയായുമാണ് കുറച്ചത്.
നേരത്തെ മുതിര്ന്നവര്ക്ക് 50 രൂപയും കുട്ടികള്ക്ക് 25 രൂപയും ആയിരുന്നു ഫീസ്. പുതിയ നിരക്ക് ശനിയാഴ്ച മുതല് പ്രാബല്യത്തില് വരുമെന്ന് അധികൃതര് വ്യക്തമാക്കി. അതേസമയം ബീച്ചിലെ റിക്ളൈനര് ചെയര്, ഹാമോക് തുടങ്ങിയ മറ്റ് സൗകര്യങ്ങള് ഉപയോഗിക്കാന് പ്രത്യേക ഫീസ് നല്കണം.
യോഗത്തില് ജില്ല പഞ്ചായത്ത് വൈസ് പ്രസിഡണ്ട് എംപി ശിവാനന്ദന്, ചേമഞ്ചേരി ഗ്രാമപഞ്ചായത്ത് പ്രസിഡണ്ട് സതി കിഴക്കയില്, ബ്ളോക്ക് പഞ്ചായത്ത് അംഗം മൊയ്തീന്കോയ, ഡിടിപിസി സെക്രട്ടറി സിപി ബീന, ഗ്രാമപഞ്ചായത്ത് അംഗങ്ങള്, രാഷ്ട്രീയ പാര്ട്ടി പ്രതിനിധികള് തുടങ്ങിയവരും സന്നിഹിതരായി.
Malabar News: സ്വകാര്യ വ്യക്തികൾ മണ്ണിട്ട് നികത്തിയ തണ്ണീർത്തടം റവന്യു വകുപ്പ് പൂർവസ്ഥിതിയിലാക്കി
