ന്യൂഡെൽഹി: ഉപയോക്‌താക്കൾക്കായി പുതിയ ഫീച്ചർ അവതരിപ്പിച്ച് വാട്‌സ്ആപ്പ്. ഇനിമുതൽ വാട്‍സ്ആപ്പിൽ വീഡിയോകളിൽ ഓഡിയോ മ്യൂട്ട് ചെയ്യാം. നിലവില്‍ ആന്‍ഡ്രോയിഡ് ഫോണുകളിലാണ് ഈ സൗകര്യം ലഭ്യമാവുകയെന്ന് വാട്‌സ്ആപ്പ് ട്വിറ്ററിൽ അറിയിച്ചു.
വീഡിയോകള്‍ വാട്‌സ്ആപ്പ് സ്‌റ്റാറ്റസായി ചേര്‍ക്കുന്നതിന് മുന്‍പോ ആര്‍ക്കെങ്കിലും അയക്കുന്നതിന് മുന്‍പോ അവ മ്യൂട്ട് ചെയ്യുന്നതിനുള്ള അവസരം ഇപ്പോള്‍ ആന്‍ഡ്രോയിഡ് ഫോണുകളില്‍ ലഭ്യമാണെന്ന് വാട്‌സ്ആപ്പ് ട്വീറ്റിൽ പറയുന്നു.
വീഡിയോ അയക്കുന്നതിനായി ഉപയോഗിക്കുന്ന വീഡിയോ എഡിറ്റിംഗ് വിന്‍ഡോയിലായിരിക്കും ഇതിനായുള്ള ഓപ്ഷന്‍ ലഭ്യമാവുക. ഈ വിന്‍ഡോയില്‍ വീഡിയോ ട്രിമ്മിംഗ്, ടെക്‌സ്‌റ്റ്‌, സ്‌റ്റിക്കര്‍ ഓപ്ഷനുകള്‍ക്കൊപ്പം ഇനി മ്യൂട്ടും ലഭ്യമാകും.
ആന്‍ഡ്രോയിഡ് ഫോണുകളിൽ ലഭ്യമായ ഈ സൗകര്യം ഐഫോണ്‍ ഉപയോക്‌താക്കൾക്ക് എന്ന് ലഭ്യമാകുമെന്നത് സംബന്ധിച്ച് നിലവില്‍ വിവരങ്ങളില്ല.
Also Read: ഇലോൺ മസ്‌കിന്റെ സ്‌റ്റാർ ലിങ്ക് ബ്രോഡ്ബാൻഡ് ഇന്ത്യയിലേക്ക്
